Ապրիլի 14-ին Հայաստանում շրջակա միջավայրի և էներգետիկ պաշարների նկատմամբ վարվող քաղաքականությանը վերաբերող հերթական միջազգային սեմինարի շրջանակներում Ֆրիդրիխ Նաումանի անվան հանուն Ազատության հիմնադրամի ներկայացուցիչները կլոր սեղանի շուրջ հանդիպում ունեցան Օրհուս կենտրոնների համակարգողների և Էկոլոգիական հասարակական դաշինքի անդամների հետ: Հանդիպման նպատակը (more…)
Ապրիլի 4-ին «Խոսրովի անտառ» պետական արգելոցում տեղի ունեցավ սեմինար ԵԽ ՙԵվրոպական վայրի բնության և բնական միջավայրի պահպանության՚ Բեռնի կոնվենցիայի շրջանակներում ՙԽոսրովի անտառ՚ պետական արգելոցը Եվրոպական դիպլոմին արժանացնելու կապակցությամբ: Բացման խոսքով հանդես եկավ ՀՀ ԲՆ ԿԿԳ բուսական ռեսուրսների կառավարման բաժնի պետ, Բեռնի Կոնվենցիայի ազգային համակարգող Հ. Ղալաչյանը: Նա ներկայացրեց ծրագրի առաքելությունը, նպատակները և, թե այն ինչ կարևոր նշանակություն ունի արժեքավոր բնական ժառանգություն և դրա պայհմանման կարիքն ունեցող Հայաստանի համար: Միջոցառմանը ներկա էին Եվրոքարտուղարության ներկայացուցիչներ` Մշակույթի և կենսաբազմազանության տնօրինության ծրագրի ղեկավար Իվա Օբրետենովան և պահպանվող տարածքների եվրոպական դիպլոմի արժանացման փորձագետ Հերվե Լեթիերին, ինչպես նաև ՙԽոսրովի անտառ՚ պետական արգելոցի տնօրեն Վ. Բարսեղյանը, ՙԴիլիջան՚ ազգային պարկ ՊՈԱԿ-ի տնօրեն Ա. Դավթյանը, WWF հայաստանյան մասնաճյուղի տնօրեն Կ. Մանվելյանը, բնապահպանական ՀԿ-ների, ԶԼՄ-ների ներկայացուցիչներ, բնապահպաններ, շահագրգիռ այլ անձիք: ՙԽոսրովի արգելոցի՚ վերաբերյալ իրենց շնորհանդեսները ներկայացրեցին պետական արգելոցի գիտական բաժնի աշխատողները, այնուհետև ելույթներով հանդես եկան մասնագետներ, գիտաշխատողներ, այլ հյուրեր: Նշվեց, որ Կովկասյան տարածաշրջանը հայտնի է եվրոպական և ասիական ինքնատիպ կենդանական և բուսական աշխարհով: Հայաստանի տարածքը կազմում է տարածաշրջանի ընդամենը 6.7%-ը, որտեղ աճում են ավելի քան 3500 տեսակի վայրի բարձրակարգ բույսեր: Նշվեց Հայաստանում բնակվող կենդանատեսակների կարևորությունը տարածաշրջանի համար: Ներկաները կարևորեցին ՙԽոսրովի անտառ՚ պետական արգելոցը Եվրոպական դիպլոմին արժանացնելու գործընթացը, համարելով, որ այն իսկապես համապատասխանում է պահանջվող չափանիշներին և ունի յուրատեսակ կենդանական և բուսական աշխարհ:
Եթե պետությունը կանգնած լինի գյուղացու թիկունքին, գյուղացին ստիպված չի լինի իր հողը կոպեկներով վաճառի, չմշակի և անտերության մատնի: Արարտում կարծիքներ են հնչել այս թեմայի կապակցությամբ:
«Հեռուստատեսությամբ կառավարությունն ասում է` գյուղացիներին մենք ամեն ձեւով ընդառաջում ենք, բերքը կստանան, գումարը կտան, իսկ ներքին կարգով հրահանգ են տալիս ՋՕ-երին, ՋՕ-ն ասում է, փողը չտվեց, ջուր չտաս, թող գնա, բողոքի: Որոշումն իրենց ձեռքին է, գումարը չես տվել, ջուրը չեմ տալիս: Գնա քեզ պատեպատ տուր »,- ասում Արարատի ՇՊԱԿ-ի պատասխանատու Տիգրան Մաթեւոսյանը:
«Եթե ինչ-որ տեղ, գյուղացիների պահանջով եմ ասում, պայմանագիր կնքվի գյուղացու հետ եւ ժամանակ տրվի, որ գյուղացին աշնանը հողը մշակելուց եւ եկամուտ ստանալուց հետո վճարի վարձերը, ապա բոլորն էլ կմշակեն իրենց հողերը: Բայց երբ սկզբից պահանջում են բոլոր վարձերը, գյուղացին չի կարողանում վճարել. նրա տուն ոչ մի լումա չի մտնում»,- առաջարկում է Սեդա Դարբինյանը:
Արարատ կատարած այցելությունը նատակ ուներ հասարակության լայն շերտերից տեղեկանալու ինչ վիճակ է տիրում Արարատի մարզում: Պարզվեց մի մասը ուղակի տեղյակ չի որ իր հարազատ քաղաքը ունի էկոլոգիական լուրջ խնդիրներ, մյուս մասն էլ բավականին անհագստացած է տիրող իրավիճակով: Ցիանային պոչամբար, քաղցկեղածին հիվանդություններ, բրոնխային հիվանդություններ: վարելահողերի խնդիր և այլն… Տեսանյութը ներկայացնում ենք ձեր ուշադրությանը: Լսելի դարձրեք Ձեր ձայնը, Արարատ:
Ս/թ մարտի 16-ին Արարատի Օրհուս կենտրոնում Ֆրիդրիխ Նաոմանի <<Հանուն ազատության>> հիմնադրամն անցկացրեց սեմինար <<Հայաստանում շրջակա միջավայրի և էներգետիկ պաշարների նկատմամբ վարվող քաղաքականություն. հնարավորություններ և մարտահրավերներ>> թեմայով:
Հիմնադրամի հիմնական նպատակը Կովկասի տարածաշրջանի երկրներում ազատ ժողովրդավարություն, քաղաքական բազմակարծություն ստեղծելն ու ամրապնդելն է: Բացի այդ սկսել է զբաղվել նաև բնապահպանական խնդիրներով, որը նոր ուղղություն է հիմնադրամի համար: Բնապահպանական հարցերը բավականին լուրջ մտահոգել (more…)
Մի անգամ Ալավերդիում լսեցի, թե ինչպես մեկը Ալավերդու պղնձաձուլարանի ծխնելույզի ծուխի մասին ասաց. «Ալավերդին կերակրող ծուխն է»: Անուղղակի իմաստով այս արտահայտության իմաստն այն էր, որ մարդիկ աշխատանք ունեն: Իսկ եթե ուղղակի իմաստով վերցնենք, ապա ընդհանուր առմամբ Ալավերդու պղնձաձուլարանի, Հրազդանի եւ Արարատի ցեմենտի գործարանների, Երեւանի «Մաքուր երկաթ» գործարանի եւ շատ ու շատ այլ գործարանների արտանետած ծուխն իսկապես կերակրում է մեր թոքերը տարաբնույթ վնասակար նյութերով:
Ինչ լավ կլիներ, որ մեր գործարաններն աշխատատեղերով ապահովեին` շրջակա միջավայրին ու մարդկանց առողջությանը պատճառող վնասը հասցնելով մինիմալի եւ խստորեն պահպանեին բնապահպանական բոլոր նորմերը:
