Ecolur Blog

ՀՀ Հատուկ քննչական ծառայության պետ

Ա.Միրզոյանին

 Մայիսի 7, 2012թ.

 Սույն թվականի ապրիլի 29-ին Մաշտոցի պուրակում խաղաղ նստացույցի մասնակիցները Հայաստանի Հանրապետության իրավական և օրենսդրական կարգը հարգելով`պաշտպանում էին իրենց Սահմանադրական իրավունքները: Այդ պատճառով նրանք ոստիկանության կողմից ենթարկվել են անօրինականության և բռնության: Այս մասին մենք արդեն իսկ հրապարակային հայտարարել ենք ու նշել, որ այն բոլոր ոստիկանները, որոնք մասնակցել են այս անօրինականությանն ու բռնություններին պետք է պատասխնատվության ենթարարկվեն համապատասխան մարմինների և արդարադատական համակարգի կողմից:

Հարկ է նաև նշել, որ ոստիկանության գործադրած անօրինականությունից և բռնությունից հետո, երբ  մարմնական վնասվածքներ ստացած նստացույցի մասնակիցները դիմում էին հիվանդանոց բուժօգնություն ստանալու`հրապարակավ  հայտարարելով, որ դիմելու են բռնության գործադրած ոստիկաններին պատասխանատվության  ենթարկելու համար, ոստիկանները առանց որևէ պատճառի, օրենքի կոպիտ խախտմամբ ազատությունից զրկել են յոթ հոգու, նպատակ ունենալով կոծկել իրենց անօրինականությունները և բռնի գործողությունները և կարծելով, որ դրանից հետո մենք չենք բարձրացնի ոստիկաններին պատասխանատվության ենթարկելու հարցը:

Դիմում ենք Ձեզ պահանջով, որ միջոցներ ձեռնարկեք անհապաղ պատասխանատվության ենթարկելու այն բոլոր ոստիկաններին ,որոնք անօրինականություն և բռնություն են գործադրել սույն թվականի ապրիլի 29-ին Մաշտոցի պուրակում խաղաղ նստացույցի մասնակցիների նկատմամբ: Մասնավորապես պետք է պատասխանատվության ենթարակվեն այդ գործողությունները ղեկավարող ոստիկանական բարձրաստիճան սպաները` գնդապետ Ռոբերտ Մելքոնյանը, փոխգնդապետ Կարեն Մովսիսյանը, և գնդապետ Վալերի Օսիպյանը ըստ ՀՀ Սահմանադրության և օրենսդրության կարգի հաստատաման և մեր քաղաքացիներին վստահություն ներշնչելու համար:

Ստորագրությունները կից` 2 էջով

Մայիսի 3-ին Ջերմուկի   թիվ 2 ավագ դպրոցում տեղի ունեցավ` նախընտրական քարոզարշավի շրջանակներում մեծամասնական ընտրակարգով առաջադրված պատգամավորի թեկանածու` Ա.Արսենյանի  հանդիպումը համայքի բնակիչների հետ:Հանդիպման ընթացքում քննարկվեցին նախորդ տարիներին վստահության քվեի դիմաց արված աշխատանքների մասին:ՀՀԿ համամասնական ցուցակով  առաջադրված ՀՀ ազգային ժողովի պատգամավորի թեկանածու` Է.Ղազարյանը իր ելույթում ամփոփեց   Հանրապետական կուսակցության անցած ուղին և հավաստիացրեց, որ Ջերմուկի զարգացման հեռանկարները կարելի  է    վստահել միայն  ՀՀԿ կուսակցությանը, քանի որ վերջին 5 տարիներին քաղաքում    կատարված նկատելի փոփոխությունները փաստում են միայն այդ մասին:

«Հավատաք, որ փոխենք» կարգախոսով պետք է առաջնորդվի յուրաքանչյուրդ, քանի որ միանգամից ոչինչ փոխել հնարավոր չէ. մենք հասկանում   և մտահոգվում ենք Ձեր խնդիրներով  և  փորձում դրանց դրական լուծում տալ,- նշեց Է. Ղազարյանը:

Որպես հավելում պրն. Ա Արսենյանը նշեց.  «Ջերմուկը բավական արագ թափով է զարգանում և այն անհամեմատելի է մյուս համայքների զարգացման տեմպերին: Այս փոքր լեռնային քաղաքին   մեծ ուշադրություն է դարձնում հենց ՀՀ նախագահ` Ս.Սարգսյանը, ուստի մայիսի 6-ի քվիարկությունը շատ կարևոր է:Չնայած համայնքում տիրող սոցիալական խնդիրներին, այնուամենայնիվ, Ջերմուկը աշխարհին ճանաչելի պետք է դարձնել և ապահովել սպասարկման բարձր որակ զբոսաշրջության ոլորտում:Շուտով կավարտվի նաև «Հայաթ» ընկերության կողմից իրականացվող նոր ՍՊԱ կենտրոնի շինարարական աշխատանքները և խելացի ու բանիմաց ջերմուկցի երիտասարդների համար կբացվի   աշխատելու նոր հնարավորություններ:   Պրն. Ա.Արսենյանը խոստացավ անդրադառնալ բնակչությանը հուզող խնդիրներին և հնարավորինս շուտ լուծում տալ դրանց: Ի դեպ մայիսի 1-ին    պրն.Արսենյանը անդամագրեր բաժանեց 4 տասնյակի հասնող նորաթուխ հանրապետականներին` հուսալով, որ նրանք կդառնան   Գ.Նժդեհի արժանի հետևորդները:

(more…)

Գնդեվանք կատարած   այցելության ժամանակ մենք ականատես եղանք  ցավալի տեսարանի:Վայոց Ձորի ամենաշքեղ մատանին քանդվում է:Տանիքը անձրևներից քանդվում է:Գնդեվանքի վանական համալիրը իր գեղեցկությամբ իր մոտ է կանչում բազմաթիվ այցելուների:

Գնդեվանքը միջնադարյան եկեղեցական համալիր։ Գտնվում է Վայոց ձորի  մարզի Գնդեվազ  գյուղից դեպի արևմուտք, Արփա գետի ձախ ափին: Կառուցվել է 931-938 թթ-ին, Սյունյաց իշխանաց իշխան Սմբատի կնոջ` Սոփի (Սոփիա) իշխանուհու աջակցությամբ: Նա Արծրունյաց մեծ նախարար Գրիգոր Գ Դերենիկի դուստրն էր, Գագիկ թագավորի քույրը: Իշխանուհին հայտնի էր իր շինարարական գործունեությամբ: Ընդհանրապես, քրիստոնյա հայուհիները ` մասնավորապես իշխանուհիներն ու թագուհիները հաճախ են կառուցել վանքեր ու եկեղեցիներ` նպատակ ունենալով վառ պահել հայ ազգի հավատը:

Գնդեվանքի արևմտյան պատին առկա է իշխանուհու արժանահիշատակ գործունեության վկայությունը: Արձանագրությունն ասում է հետևյալը. «Մատանի էր անակն Վայոց ձոր, շինեցի զսա եւ եդի ակն ի վերայ»:

Բարեպաշտ տիկին Սոփին երբ առաջին անգամ գնում է Գնդեվանք կոչվող խորաձոր վայրը` մենակյացների մոտ ուխտի, տեսնում է սուրբ նահատակների նշխարներ, միաժամանակ տեղեկանում, որ այդտեղ բազմաթիվ ու մեծամեծ բժշկություններ են կատարվում: Ուստի նա անմիջապես բերել է տալիս ճարտար քարգործ վարպետներին, և սկսվում է շինարարությունը:

Հիմնադրվել է որպես ձորի ճգնավորների մենաստան: Առաջնորդ է նշանակվել Սարգիս քահանան, իսկ շինարարության ղեկավարն էր նկարիչ Եղիշե երեցը: Վանքը ճգնավոր Սուփան Գնդունու անունով վանքը կոչվել է Գնդեվանք: Կա նաև մեկ այլ տարբերակ, ըստ որի իշխանուհին վաճառել է իր ականջի գինդերը, որպեսզի կարողանան վերջացնել եկեղեցու շինարարական աշխատանքները, և այդ գինդերի համար վանքը կոչվել է Գնդեվանք:

Ս.Ստեփանոս եկեղեցին կառուցվել է 931-936-ին: Կառույցը սրբատաշ բազալտով է, քառախորան` արտաքուստ խաչաձև կենտրոնագմբեթ հորինվածքով: Եղիշե երեցը եկեղեցու ներսը զարդարել է որմնանկարներով, որոնցից խորանի պատին պահպանվել է Քրիստոսի պատկերի մի փոքր հատված: Ներսում` գմբեթի առագաստների վրա, կան չորս ավետարանիչների բարձրաքանդակները:

999-ին, վանահայր Քրիստափորը կառուցել է եկեղեցու արևմտյան գավիթը: Վերջինիս հյուսիսային պատի երկայնքով տեղավորված են ուղղանկյուն հատակագծով երկու սենյակներ: Արևմտյան սենյակը ծառայել է որպես գրատուն:

1008-ին վանահայր Սարգսի մեծ ջանքերով վանքապատկան հողերը ոռոգելու համար 22կմ երկարությամբ ջրանցք է կառուցվել:

1604-ին պարսից շահ Աբբասը ավերել է Գնդեվանքը և Գնդեվազ գյուղի բնակիչներին տեղահան արել: 1691-ին վանահայր Պետրոս վարդապետը նորոգել է վանքի եկեղեցին և գավիթը, վանքը շրջապատել աշտարակավոր պարիսպով և նրան կից կառուցել է բնակելի ու տնտեսական շինություններ: Հավանաբար այդ ժամանակ է կատարվել Աստվածածնի պատկերով որմնանկարը` եկեղեցու հյուսիսային ավանդատան պատին: Դա ուշ միջնադարի հայկական կերպարվեստի լավագույն գործերից է:

Գնդեվանքի բակում կան 10-16-րդ դարերի խաչքարեր և տապանաքարեր: Պահպանվել են բազմաթիվ վիմագրական արձանագրություններ: Ուշագրավ է նաև համալիրի հարավային կողմում սեղանատունը, որը մեծ դահլիճ է` նկուղով, օժանդակ սենյակներով ու կրակարանով:

Գնդեվանքը շրջապատված է Արփա գետի ձորի հիասքանչ բնությամբ, որտեղ նա գրավում է իր ուրույն դիրքը` ևս մեկ անգամ հայկական բնության և ճարտարապետության ներդաշնակության ապացույցը դառնալով:
Գնդեվանքի հուշարձանների խումբը բաղկացած է մեկ եկեղեցուց, գավիթից, բնակելի շենքերից, պարսպապատ է, պարսպից ներս կան գերեզմաններ: Ըստ տեղեկությունների` այն կառուցվել է 936թ-ին: Վանքն ուշագրավ է հատկապես հատակագծային լուծմամբ, համարյա եզակի է հայ ճարտարապետության մեջ:

Դիմում ենք `բոլորին  եկեք օգնենք Գնդեվանքին,որպիսի նա չկորցնի իր փայլն ու գեղեցկությունը :

Մարիանա Արշակյան

Մաշտոցի պուրակի երիտասարդ ակտիվիստներն այսօր ՀՀ Սահմանադրության գիրքը նվիրեցին քաղաքապետ Տարոն Մարգարյանին և նշեցին, թե որոնք են տեղական ինքնակառավարման մարմինների և նրանց ղեկավարի գործառույթները:

(more…)

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ  ՊԱՐՈՆ ՍԵՐԺ ՍԱՐԳՍՅԱՆԻՆ

Ջերմուկի բնակիչներ

Մեծարգո պարոն Նախագահ

Շնորհակալությամբ ենք արձանագրում մեր քաղաքի հանդեպ Ձեր ցուցաբերած բացառիկ ուշադրության և վերաբերմունքի մասին, ինչի արդյունքում Ջերմուկ քաղաքի առջև բացվել են զարգացման նոր հեռանկարներ: Մենք ուրախությամբ ենք տեսում, թե ինչպես են մեր քաղաքում կառուցվում նոր առողջարաններ և հյուրանոցներ, պայմաններ ստեղծվում լեռնադահուկային սպորտի և հանգստի այլ ձևերի զարգացման համար: Ձեր անմիջական հովանու ներքո վերջին տարիներին Ջերմուկում անցկացվող շախմատային տարբեր մակարդակի հեղինակավոր միջազգային մրցաշարերը մեր քաղաքն ուրվագծել են նաև համաշխարհային շախմատի քարտեզներում` Ջերմուկին տալով նոր և հավելյալ բարի համբավ ու հնչեղություն: Մենք քաջ գիտակցում ենք նաև, որ Շվեյցարիայից հրավիրված փորձագետների մասնակցությամբ ՀՀ կառավարության կողմից մշակված և ընդունված Ջերմուկ քաղաքի ռազմավարական զարգացման ծրագիրը և դրան հաջորդած Ջերմուկ քաղաքի նոր գլխավոր հատակագծի մշակումը Ջերմուկում Ձեր կողմից անցկացված աշխատանքային խորհրդակցությունների և այնտեղ հնչեցված հանձնարարականների արդյունքն են: Հաշվի առնելով վերոգրյալը` մենք Ձեզ դիմում ենք որպես մեր քաղաքի լավագույն բարեկամի և հովանավորի, ներկայացնելով այն համընդհանուր մտահոգությունները, որոնք վերջին շրջանում անհանգստացնում են Ջերմուկ քաղաքի և հարակից բնակավայրերի բնակիչներին, քաղաքի մշտական այցելուներին, տարբեր բնապահպանական կազմակերպություններին:

Խոսքը վերաբերում է Ջերմուկ քաղաքից ոչ հեռու գտնվող «Ամուլսար» կոչվող տեղանքում «ԳԵՈԹԻՄ» ընկերության, (որը հանդիսանում է Մեծ Բրիտանիայում գրանցված “ԼԻԴԻԱՆ ԻՆԹԵՐՆԵՅՇՆԼ” ընկերության դուստր ընկերություն), կողմից բաց եղանակով ոսկու հանքավայրի շահագործման հնարավորություններին և դրա հետ կապված հնարավոր ռիսկերին:

Կարծում ենք, որ մասնագիտական խորը գիտելիքներ կամ փորձագիտական հետազոտություններ պետք չեն հասկանալու համար այն պարզ ճշմարտությունը, որ Ջերմուկ քաղաքից ընդամենը մի քանի կիլոմետր հեռավորության վրա գտնվող տարածքում բաց եղանակով մետաղական հանքավայրի շահագործումը անմիջապես կհանգեցնի այդ տարածքի ամայացմանն ու բնակավայրերի ոչնչացմանը:

Բաց եղանակով հանքավայրի շահագործումը ցանկացած տեղանքում առաջացնում է բնապահպանական խնդիրներ, որոնք առանձին դեպքերում, մասնավորապես Ջերմուկ քաղաքի մերձակայքում, մեր կարծիքով, պարզապես անթույլատրելի են` հաշվի առնելով քաղաքի առողջարանային, հատկապես ջրաբուժական ուղղվածությունը: (more…)

(more…)

Այսօր բնապահպանների հորդորով հատուկ մեքենայի միջոցով Մաշտոցի այգուց հեռացվեց հենց ճանապարհի վրա գտնվող եղևնին:

(more…)

Եռամսյա պայքարից հետո մենք չնահանջեցին, ոչ ձմռան ցրտին, ոչ գարնան անձրևին, ոչ փոթորիկների ժամանակ, ոչ ծեծ ու ջարդի ենթարկվելիս: Այս պայքարը գնալով նոր հարթակ ստեղծեց, որտեղ Հայաստանի համար կարևորագույն խնդիրներն այսօր դարձել են ակտուալ քննարկման առարկա: Մաշտոցի պուրակը նոր մշակույթ ձևավորեց, դիտեցինք ֆիլմեր, դաստիարակեցինք ոստիկաններին, կազմակերպեցինք բազմաթիվ ակցիաներ` կանգնեցրեցինք բետոնախառնիչ մեքենային, քանդեցինք կարծրատիպերը, վերագրավեցինք բուտիկները, թաղեցինք օլիգարխին,միավորեցինք մարդկանց, ձեռք բերեցինք նոր ընկերներ: Շնորհակալություն քեզ Մաշտոցի պուրակ, մեզ բոլորիս համախմբելու համար:  Պուրակի  վաղվա օրը քոնն է,  փոքրիկ հեղափոխական….Մենք ինքնորոշված քաղաքացիներ ենք` դու ինքնորոշված տարածք:

Թեհմինե Ենոքյան

Լուսանկարը`  Հայկ Բարսեղյանի

Սույն թվականի ապրիլի 30-ին Թեղուտի պաշտպանության մի քանի ակտիվիստներով այցելել էինք Ավան համայնքում տեղի ունեցած, «հավատանք, որ փոխենք» կարգախոսի տակ անցկացվող հավաքին` նպատակ ունենալով Հանրապետական կուսակցության եւ Հայաստանի նախագահ Սերժ Սարգսյանին գրավոր պահանջ ներկայացնել, որպեսզի վերջինս պատշաճ կերպով իրականացնի իր պաշտոնեական պարտականությունները եւ հետամուտ լինի Թեղուտի հանքավայրի անօրինական շահագործման դադարեցմանը: Հարկ ենք համարում նշել, որ «Միջազգային պայմանագրերի մասին» ՀՀ օրենքի համաձայն հանրապետության նախագահն անմիջական պարտավորություն է կրում ձեռկելու անհրաժեշտ կազմակերպչական եւ իրավական միջոցներ պետության ստանձնած միջազգային պարտավորությունների կատարումն ապահովելու համար: Այսինքն, Սերժ Սարգսյանն ի պաշտոնե անհատապես պարտավորություն է կրում հետամուտ լինելու, որպեսզի Թեղուտի գործի շրջանակներւում Օրհուսի կոնվենցիայի Համապատասխանության կոմիտեի որոշումը կենսագործվի: (more…)