Ecolur Blog

Մաշտոցի պուրակի ապօրինի կրպակների պատասխանատուն Երևանի քաղաքապետն է. քաղաքային իշխանությունը պետք է ենթարկվի Երևանի հանրությանը

Կապված այսօր նախագահ Սերժ Սարգսյանի Մաշտոցի պուրակ այցելության և նրա կողմից Երևանի քաղաքապետին տրված ապամոնտաժման մասին ցուցումների հետ` Մաշտոցի պուրակը պաշտպանող ՀՀ քաղաքացիները հայտարարում են.

-         Մաշտոցի պուրակում ապօրինի կրպակների ապամոնտաժումը և տեղի ունեցած ապօրինությունների վերացումը գտնվում է բացառապես Երևանի քաղաքապետարանի և իրավապահ մարմինների լիազորությունների շրջանակում՝ ըստ ՀՀ Սահմանադրության,

-         արդեն շուրջ 80 օր է, ինչ Երևանի քաղաքապետարանը և քաղաքապետը բացահայտ անգործություն են ցուցաբերում Մաշտոցի պուրակի ապօրինաբար կառուցապատվող հանրային տարածքը երևանցիներին և ՀՀ քաղաքացիներին վերադարձնելու գործում,

-         Երևանի քաղաքապետը պարտավոր է ենթարկվել երևանցիների կամքին և ոչ թե մեկ անձի էսթետիկ նախասիրություններին և դիրքորոշումներին՝ անկախ այդ մարդու ով լինելուց և նրա զբաղեցրած պաշտոնից. նման հարցերը կարգավորվում են ՀՀ Սահմանադրությամբ և ժողովրդի գերակա շահով:

Ոստիկանության գործողությունների նկատմամբ գնահատականները պետք է բխեն ՀՀ Սահմանադրությունից, հանրային սեփականության պաշտպանությունից, մարդու իրավունքների և ազատությունների պաշտպանությունից: Պետք է դատապարտել ոստիկանության բռնության և ոչ իրավաչափ գործողության որևէ դրսևորում, այլ ոչ թե շնորհակալություն հայտնել և համարել դա ձեռքբերում:

Սերժ Սարգսյանը ոչ մի կերպ չի անդրադարձելÐÐ քաղաքացÇÝ»ñÇ իրավունքներիÝ և ժողովրդի գերակա շահերի պաշտպանությաÝÁ, որոնք Áëï ՀՀ Սահմանադրության Հայաստանի Հանրապետության ինքնիշխանության հիմքն են և պետական պաշտոնյաների (նախագահ, քաղաքապետ և այլն) լեգիտիմության աղբյուրը:

Ելնելով այս ամենից` պահանջում ենք.

Երևանի քաղաքապետարանից`

•  անհպաղ պաշտոնապես չեղյալ համարել Մաշտոցի պուրակում ապօրինի կառուցապատման մասին որոշումներն ու վերադարձնել պուրակը հանրությանը` ապամոնտաժելով բոլոր ապօրինի կառույցները,
• կատարել բարեկարգում` հաշվի առնելով լայն հանրության կարծիքը և իրական մասնակցությունը  որոշումների կայացմանը:

ՀՀ պատկան մարմիններից` գտնել և պատասխանատվության ենթարկել ապօրինի որոշումների բոլոր պատասխանատուներին, վերականգնել համայնքին հասցված նյութական վնասը և պատասխանատվության ենթարկել ՀՀ քաղաքացիների օրինական շահերը ոտնահարած պաշտոնյաներին և այդ ապօրինությունների արդյունքում քաղաքացիների նկատմամբ բռնություն կիրառած ոստիկաններին:

Մենք շարունակելու ենք մեր քաղաքացիական եւ օրինական պայքարը՝ հանուն մեր սահմանադրական իրավունքների նվաճման եւ կենսագործման, մեր հանրային սեփականության, ազգային հարստության եւ ժողովրդի գերակա շահերի պաշտպանության:

մայիսի 1, 2012

Մենք ենք այս քաղաքի տերը քաղաքացիական նախաձեռնություն

Մեր քաղաքը հանրային-քաղաքացիական նախաձեռնություն

Թեղուտի պաշտպանության քաղաքացիական նախաձեռնություն

Թռչկան քաղաքացիական նախաձեռնություն

Մաշտոցի պուրակի ինքնորոշված քաղաքացիներ

Սիրում եմ գարունը, նրա ոգին ու ամեն ինչը:Սիրում եմ բնությունը, նա էլ ինձ է սիրում, ես գիտեմ:

Հարգելի ընթերցողներ`  Ձեզ եմ նվիրում Վահան Տերյանի այս  գեղեցիկ բանաստեղծությունը :Վայելեք  …..

Գարունը այնքա՛ն ծաղիկ է վառել,
Գարունը այնպե՛ս պայծառ է կրկին.
— Ուզում եմ մեկին քնքշորեն սիրել,
Ուզում եմ անուշ փայփայել մեկին։

Այնպե՛ս գգվող է երեկոն անափ,
Ծաղիկներն այնպես նազով են փակվում.
— Շուրջըս վառված է մի անուշ տագնապ,
Մի նոր հուզում է սիրտըս մրրկում…

Անտես զանգերի կարկաչն եմ լսում,
Ւմ բացված սրտում հնչում է մի երգ.
—Կարծես թե մեկը ինձ է երազում,
Կարծես կանչում է ինձ մի քնքուշ ձեռք…

Ամբողջական տեսաշար` ինչ կատարվեց այսօր Մաշտոցի այգում: Բախումներ, ապամոնտաժող բրիգադի հերթական ապամոնտաժման փորձը, ակտիվիստներն երկու անգամ վրան բացելու փորձ արեցին. դիտեք տեսանյությում:

Երեւանի գարնանային ծաղիկները` վայելեք………………………….

Այս կադրերից  փշաքղվեց մարմինս… Թվում է`  մի քիչ ուշադիր նայես, կթափանցես այս կենդանիների ներքին աշխարհը: Վայրի կենդանիներն այլևս վայրի չեն, երբ կենդանուն բանտարկում են  վանդակաճաղերից այն կողմ, նա կորցնում է իր են բնուոշ կենդանական բնազբները: Կեր հայթայթելու, պաշտպանվելու և բազմանալու…Լքված տարածք, վանդակաճաղեր, այդեն անտարբերության սովորած կենդանիներ: ԱՆրանք ապրում են Գյումրում, մի լքված տարածքում: Ո՞վ է պահում և ինչպիսի՞ միջոցներվ է պահում հայտնի չէ: Շարունակելի….

Տեսանյութը և լուսանկարները` Հայկ Բարսեղյանի

Յուրաքանչյուրը մեզանից, թեկուզ մի քանի րոպեով, գտնվելով` Մաշտոցի պուրակում, կարծես ձեռք է բերում  նոր որակ, նոր մտածողություն, նոր զգացողությունները: Տարեց սերունդը երիտասարդանում է, երիտասարդները` ոգևորվում: Նոր գաղափարների, նոր մտահղացումների,  մեր ներքին զգացողությունների արտացոլանքն է Մաշտոցի այգին:

Երկու ճակատների բաժանված հասարակության  տարբեր մշակույթներ, որակներ և աշխարհայացք այսօր տեղ է գտել Մաշտոցի պուրակում: Աշխարհին նայելու մեր տեսանկյունը, մեր աշխարհընկալումը մի բևեռում է, իսկ ոստիկանության և օլիգարխներին բնորոշ աշխարհընկալումը մյուս բևեռում  Հայկ Բարսեղյանի նկարահանած տեսանյութը դրա վառ օրինակն է: Իչպե՞ս ենք տեսնում և զգում աշխարհը մենք, և ինչպես են տեսնում նրանք:

Լուսանկարը և տեսանյութը ` Հակ Բարսեղյանի

Թեհմիեն Ենոքյան

Ինչպես նախորդ տարիներին, այս տարի ևս Նիդերլանդների Թագավորության խորհրդարանի շենքի դիմացից մինչև Թուրքիայի դեսպանատուն “Կարոտ” հայկական հասարակական կազմակերպությունը, տեղի կազմակերպությունների հետ համատեղ, անց է կացրել ջահերով երթ` նվիրված Հայոց Մեծ Եղեռնի  զոհերի հիշատակին: Միջոցառմանը մասնակցել է ավելի քան 150 մարդ:Ինչպես հայտնում է “Կարոտ”-ի ղեկավար  Վարուժ Վարդանյանը, կազմակերպությունը նպատակ ունի համախմբել Հայաստանի և Սփյուռքի կառույցներին` մշակելով  համագործակցության լայն ծրագիր` կապված Մեծ Եղեռնի 100-ամյակի նշման հետ:

Ծրագրի համաձայն, 2015թ. ապրիլի 24-ին բոլոր հայերը, աշխարհի որ ծայրում էլ ապրեն, միաժամանակ պետք է ներկա գտնվեն ցույցերին կամ սգո արարողություններին:  Ապրիլի 24-ին ներկայացվեց նաև “Կարոտ” պարային համույթի “Դեյր Զոր” պարը: Միջոցառմանը ներկա էր ավելի քան 500 մարդ:
 

Նիդերլանդների Թագավորության

“Կարոտ” հայկական հասարակական կազմակերպություն

26.04.2012

Հայոց մեծ եղեռնի զոհերի հիշատակը հավերժացնող   միջոցառումներ անցկացվեցին նաև Վայոց Ձորի մարզում: Ոգեկոչման միջոցառումերի շարքն ամփոփվեց առողջառանային Ջերմուկ քաղաքում:  Ս.Գայանե եկեղեցու բակում հավաքված երիտասարդներն ու համայքի ղեկավարությունը քայլերթով ուղվեցին դեպի եղեռնի զոհերի և Արցախյան հերոսամարտում ընկածների հուշաքարինծ աղիկներ դնելու և մեկ անգամ ևս գլուխ  խոնարհելուայն հայորդիների առջև, ովքեր դեռ ապրելու հավատով էին լցված և կյանքն արարելու հույսով:Քայլերթի ընթացքում երիտասարդները հնչեցրել են հայրենասիրական երգեր և որպես պահանջատեր ոճրագործներինուղել իրենց խոսքը` բացականչելով ճանաչում և հատուցում: 97 տարվա եղերական ղողոնջիցհետո երիտասարդների կոչն էր համխմբվել  այլևսհաղթական ոգով ապրելու համար: Երթի մասնակիցները հուշաքարին ծաղիներ դնելով` մեկ րոպելռությամբ հարգեցին 1,5մլն հայերի հիշատակը, իսկ վերջում որպես ազգային արժանապատվության կրողներ` երիտասարդները վառեցին Թուրքիայի դրոշը:

 Narek Mirzoyan

                                                                                                                                                                                                         Հայաստանում մայիսի 6-ին կայանալիք խորհրդարանական ընտրություններին մասնակցող հիմնական քաղաքական ուժերը կարծես թե միացել են Հայ հեղափոխական դաշնակցության` ապրիլի 24-ը լռության օր  հայտարարելու եւ քարոզչություն չանելու կոչին:

Այսպես, Հանրապետական կուսակցության փոխնախագահ Գալուստ Սահակյանը NEWS.am-ի թղթակից հետ զրույցում նշեց, որ դա անհեթեթ հայտարարություն է. «Ապրիլի 24-ը այնպիսի օր է, որ հայտարարելու կարիք չկա, դրա մասին չի կարելի հայտարարություն անել: Ապրիլի 24-ը մեզ համար բավականին լուրջ իրողություն է, դա մեր ազգային արժանապատվությունն է, իսկ այն, ինչը որ ազգային արժանապատվություն է, դա հայտարարություններով չի իրականացվում»,- ասաց նա` շեշտելով, որ այդ օրը, բնականաբար, չի կարելի քարոզչություն անել:

Իսկ «Բարգավաճ Հայաստան» կուսակցության մամուլի քարտուղար Բաղդասար Մհերյանն էլ նշեց, որ «իրենք հայ ժողովրդի մի մասնիկն են եւ այդ օրը հարգելու են մեր միլիոնավոր նահատակների հիշատակը»:

Հայ ազգային կոնգրեսի մամուլի քարտուղար Արման Մուսինյանն էլ  NEWS.am-ի թղթակցի հետ զրույցում նշեց, որ ապրիլի 24-ին երթ են անելու դեպի Ծիծեռնակաբերդ, ինչպես եւ նախորդ 4 տարիներին են արել: Այդ օրը ՀԱԿ-ը շրջաններում ընտրողների հետ հանդիպումներ չի ունենալու:

Նշենք, որ ՀՅԴ Գերագույն մարմնի ներկայացուցիչ Արմեն Ռուստամյանը երեկ` ապրիլի 20-ին,  Գավառում հայտարարել է, որ  թեեւ ապրիլի 24-ը քարոզարշավի օր է լինելու, եւ ամեն կուսակցություն ուզում է իր քարոզչությունը մեկ օր էլ ավելի անել, Դաշնակցությունն այդ օրը դադարեցնելու է  իր քարոզչությունը եւ կոչ է անում մյուս բոլոր քաղաքական ուժերին եւս այդպես վարվել:

ՀՀ ինքնորոշված քաղաքացին այսօր թաղեց օլիգարխին: Առավոտյան հանգուցյալի դին դրված էր Մաշտոցի այգում, անուհետև հուղարկավորության թափորը ուղևորվեց Օպերա, Հյուսիսային պողոտա, ՀՀ հրապարակ, կանգ առան ՀՀ գլխավոր դատախազության շենքի առջև: Այնուհետև մարդկանց հոծ բազմությունը ուղևորվեց դեպի հարկայինի շենք: Այժմ օլիգարխի դին գտնվում է Մաշտոցի պուրակում: Ցանկացողները կարող են գնալ և հրաժեշտ տալ: Մանրամասները` տեսանյութում:

Հեղինակ` Թեհմինե Ենոքյան