ԷկոԼուր
Ինչպես հայտնի դարձավ մամուլի հրապարակումներից, մարտի 4-ին ՀՀ վարչապետ Տիգրան Սարգսյանն ընդունեց կորեացի գործարարների: Կորեացի գործարարները հատուկ հետաքրքրություն են ցուցաբերել Հայաստանի հանքարդյունաբերության, հետազոտական նախագծերի, օգտակար հանածոների հանքահանման եւ վերամշակման նկատմամբ: Երկու կողմերն էլ պատրաստակամություն են դրսեւորել` ստորագրելու այդ ոլորտում համագործակցության համապատասխան պայմանագրեր: Հաշվի առնելով այն փաստը, որ հանդիպմանը ներկա են եղել նաեւ «Vallex Group»-ի ներկայացուցիչները, կարելի է եզրակացնել, որ խոսակցություններն այն մասին, թե ընկերությունը Թեղուտի ծրագրի համար ակտիվորեն նոր գործընկեր է փնտրում, հիմնազուրկ չեն: Ինչպես հայտնի դարձավ «ԷկոԼուր»-ի սեփական աղբյուրներից, կորեացի գործարարների ոչ մեծ մի խումբ արդեն եղել է Թեղուտում եւ տեղում ծանոթացել Թեղուտի ծրագրի իրականացման հետ:
Մարտ 11, 2010