ԷկոԼուր
ՀՀ բնապահպանության նախարարության բնապահպանական պետական տեսչությունը պարզում է Հրազդան գետում ձկների սատկելու պատճառները: Ինչպես նշված է Բնապահպանության նախարարության տարածած մամլո հաղորդագրության մեջ, դեկտեմբերի 26-ին նախարարության բնապահպանական պետական տեսչության աշխատակիցներն ահազանգ են ստացել, որ Հրազդան գետում՝ «Գեղամա» ռեստորանի հարակից տարածքում սատկած ձկներ են հայտնաբերվել: Բնապահպանության կենտրոնական լաբորատորիայի աշխատակիցները գետի տարբեր հատվածներից` «Գեղամա» և «Գետափ» ռեստորանների շրջակայքից ջրի նմուշառումներ են վերցրել՝ փորձաքննության ենթարկելու նպատակով: Հետազոտությունների արդյունքների մասին նախարարությունը խոստանում է տեղեկատվություն տրամադրել ավելի ուշ:
Հիշեցնենք, որ 2010թ. փետրվարին Հրազդան գետում կրկին արձանագրվեց ձկների զանգվածային անկման դեպք: 600 մետր երկարությամբ տարածքում գետի ողջ ֆաունան թունավորվել էր: Բնապահպանության նախարարության տեղեկատվության համաձայն, ձկների անկման պաշարն այդ անգամ քլորով թունավորումն էր:
Դեկտեմբեր 26, 2012 at 19:18