«Փրկենք գայլերին» խումբը Բնապահպանության նախարարությունից պահանջում է անհապաղ դադարեցնել գայլերի սպանդը

«Փրկենք գայլերին» խումբը Բնապահպանության նախարարությունից պահանջում է  անհապաղ դադարեցնել գայլերի սպանդը

ԷկոԼուր

Facebook սոցիալական ցանցում ստեղծվել է «Փրկենք գայլերին» խումբը, որը զբաղվելու է Հայաստանում գայլերի պահպանության հարցերով: Ինչպես «ԷկոԼուր»-ին տեղեկացրեց «Փրկենք գայլերին» խմբի անդամ, «Թռչնասերների կենտրոն» ՀԿ-ի նախագահ Սիլվա Ադամյանը, գայլերի պաշտպանները դիմում են Բնապահպանության նախարարությանը` պահանջելով  անհապաղ դադարեցնել գայլերի սպանդը: Նախարարությանն ուղղված «Փրկենք գայլերին» խմբի հայտարարության մեջ նշված է. «Արդեն երկու տարի է, ինչ Բնապահպանության նախարարությունը սկսել է գայլերի անխնա ոչնչացումը Հայաստանի տարածքում` վճարելով մի գայլի համար 100 000 դրամ: Մենք չենք կարող հանգիստ դիտել, թե ինչպես մարդ-բարբարոս արարածը ոչնչացնում է բնության զավակներին: Մեր բազմաթիվ կոչերը, հեռուստահաղորդումնեը չփոխեցին Բանպահպանության նախարարության դիրքորոշումը: Հեռուստաընկերություններն իսկական արշավ են սկսել գայլերի դեմ` ցուցադրելով հանրությանը, մասնավորապես երեխաներին դաժան կադրեր, որոնք ակնհայտ կունենան իրենց բացասական ազդեցությունը մարդկանց հոգեբանության վրա: Մենք`«Փրկենք գայլերին» խմբի անդամներս, պահանջում ենք`

· անհապաղ դադարեցնել գայլերի սպանդը

· անցկացնել լուրջ գիտական հետազոտություններ, որոնք կբացահայտեն գայլերի պոպուլիացիայի խնդիրները Հայաստանում

· որսորդական շրջանում տալ թույլտվություններ գայլերի չափավոր որսի համար, որը կկարգավորի գայլերի քանակը

· ստեղծել արհեստական կերակրային բազա գայլերի համար, որը հնարավորություն կտա պոպուլիացիային որս կատարել վայրի կենդանիների վրա

· անցկացնել լուրջ միջոցառումներ գյուղերում, որոնք կպաշտպանեն անասնագոմերը գայլերի հարձակումներից:

Հակառակ դեպքում մենք կարժանանանք մի շարք եվրոպական պետությունների ճակատագրին, որտեղ անխնա ոչնչացման պատճառով գայլերն անհետացած տեսակ են»:

17:50 Հունիս 13, 2012


Թեժ կետեր


Մարզեր


Բաժանորդագրում

Subscribe to receive our latest news