ՓՈՐՁԱԳԻՏԱԿԱՆ ՏԵՂԵԿԱՏՎՈՒԹՅՈՒՆ › Պաշտոնական աղբյուրներ ›
Հայաստանի համար սեյսմիկ ռիսկը հասել է իր առավելագույն մակարդակին
ԷկոԼուր
Ներկայումս Հայաստանի Հանրապետության համար սեյսմիկ ռիսկը հասել է իր առավելագույն մակարդակին ամբողջ պատմության ընթացքում: Այս մասին գրված է «Երեւանի տարածքում սեյսմիկ պաշտպանության տեսակետից հատուկ եւ կարեւոր նշանակության օբյեկտների սեյսմիկ խոցելիության գնահատում» ծրագիրը եւ իրականացման ժամանակացույցը հաստատելու մասին» կառավարության որոշման նախագծի մեջ: Որոշման նախագիծը կառավարության հաստատմանը կներկայացվի փետրվարի 9-ին:
Նման իրավիճակը պայմանավորված է սեյսմիկ ակտիվության նոր ցիկլով, շենքերի և շինությունների ցածր սեյսմակայունությամբ, ուրբանիզացման բարձր մակարդակով, հատուկ և կարևոր նշանակության շինություններին (քիմիական գործարաններ, հիդրոէլեկտրակայաններ, ջերմաէլեկրակայաններ, բազմաբնակարան բնակելի շենքեր, դպրոցներ, ջրամբարներ, կենսապահովման գծեր, առողջապահական հիմնարկներ և այլն) հատկացված ոչ բավարար ուշադրությամբ, բնակչության վատ տեղեկացմամբ, սոցիալ-տնտեսական վիճակով և այլ գործոններով:
Առաջին հերթին նախատեսվում է գնահատել հետևյալ օբյեկտների սեյսմիկ խոցելիության աստիճանը`ՀՀ Ազգային ժողովի վարչական շենք, ՀՀ կառավարության թիվ 1 տուն, ՀՀ կառավարությանն առընթեր ՀՀ Ոստիկանության վարչական շենք, ՀՀ արտակարգ իրավիճակների նախարարության վարչական շենք, ՀՀ տրանսպորտի և կապի նախարարության վարչական շենք:
Կայքը գործում է Բաց Հասարակության Հիմնադրամներ - Հայաստանի աջակցությամբ
Ավելացրեք ձեր մեկնաբանությունը