Թեժ կետեր


Մարզեր


Բաժանորդագրում

Գրանցվեք այստեղ, որպեսզի ստանաք թեժ էկոլոգիական տեղեկատվութուն

Ձեր անունը:
E-mail:

ԹԵԺ ԳԻԾ › Լեռնահանքային արդյունաբերություն ›

Ո՞վ է գնահատելու Հայաստանում 15 գործող պոչամբարների, 400 շահագործվող հանքերի եւ միլիոնավոր տոննաների հասնող թունավոր լցակույտերի սեյսմիկ խոցելությունը

Who Will Assess Seismic Vulnerability of 15 Tailing dumps, 400 Mines and Millions Tons of Toxic Dumps Operating in Armenia?
12:17 Փետրվար 22, 2012

ԷկոԼուր

Հայաստանում 15 գործող պոչամբար կա, 400 շահագործվող հանք, որոնցից 22-ը մետաղական են: Հանքերի շահագործման ընթացքում գոյանում են միլիոնավոր տոննաների հասնող լցակույտեր, որոնք արդյունաբերական թափոններ են: Երկրաշարժի դեպքում այդ բոլոր վտանգավոր օբյեկտները լուրջ ռիսկեր են ներկայացնում շրջակա միջավայրի համար: Մինչդեռ այդ ռիսկերից եւ ոչ մեկը գնահատված չէ, չնայած ՀՀ կառավարությունն ընդունում է, որ ներկայումս  Կովկասում և Հայկական լեռնաշխարհում (ներառյալ Հայաստանի տարածքը) ցանկացած պահի հնարավոր է ուժեղ երկրաշարժ։Այդ պատճառով կառավարությունը հաստատեց Երեւանի տարածքում սեյսմիկ պաշտպանության տեսակետից հատուկ եւ կարեւոր նշանակության օբյեկտների սեյսմիկ խոցելիության գնահատման ծրագիրը:

Ուժեղ երկրաշարժի դեպքում այդ վտանգավոր օբյեկտները կարող են վնասվել, իսկ պոչամբարները հիմնականում գտնվում են բնակավայրերի, արոտավայրերի, ջրային աղբյուրների մոտ եւ կարող են անդառնալի վնաս հասցնել եւ մարդկանց, եւ բնությանը:

Հարց `

  • Ո՞վ է գնահատելու Հայաստանում 15 գործող պոչամբարների, 400 շահագործվող հանքերի եւ միլիոնավոր տոննաների հասնող թունավոր լցակույտերի  սեյսմիկ խոցելությունը
  • Ինչքանո՞վ է ապահովված այդ օբյեկտների սեյսմիկ անվտանգությունը
  • Արդյոք նոր հանքավայրերի շահագործման նախագծերում (օրինակ` Թեղուտի պղնձամոլիբդենային հանքավայրի, Ամուլսարի ոսկու հանքավայրի նախագծեր) կամ հանքարդյունաբերության ծավալների ընդլայնման ծրագրերում (օրինակ` Սոտքի ոսկու հանքավայր, Քաջարանի պղնձամոլիբդենային հանքավայր, Շահումյանի ոսկու հանքավայր) ներկայացվա՞ծ է սեյսմիկ խոցելիության գնահատումը:

«ԷկոԼուր»-ն այս հարցերը փետրվարի 22-ին նամակով ուղղեց ՀՀ արտակարգ իրավիճակների նախարար Արմեն Երիցյանին, ՀՀ էներգետիկայի եւ բնական պաշարների նախարար Արմեն Մովսիսյանին եւ ՀՀ բնապահպանության նախարար Արամ Հարությունյանին:


Ավելացրեք ձեր մեկնաբանությունը

Անուն *:
E-mail *:
Մեկնաբանություն *:
Վավերացում *:
CAPTCHA
 

Առնչվող նյութեր