ԷկոԼուր
Հայաստանում Ամուլսարի ոսկու հանքավայրի բաց եղանակով շահագործման նախագիծը համարվում է ամենառիսկային նախագծերից մեկը, որում Վերակառուցման և զարգացման եվրոպական բանկը (ЕBRD) գումարներ է ներդնում: Այս մասին լրագրողներին հայտնեց CEE Bankwatch Network միջազգային ցանցի ներկայացուցիչ Ալեքսեյ Պասյուկը Վարշավայում անցկացվող Բանկի տարեկան ընդհանուր ժողովի ժամանակ:
Նախագիծը իրականացնում է «Lydian International» ընկերությունը, իսկ ЕBRD-ին և Միջազգային ֆինանսական կորպորացիան (IFC) ընկերության բաժնետերերը են ՝ մասնակցելով կանոնադրական կապիտալում համապատասխանաբար 6.9%-ով (http://www.lydianinternational.co.uk/share-performance.htm):
Ամուլսարի նախագծի ռիսկերի վերաբերյալ հարցը բարձրացվել է եւ EBRD-ի տնօրենների խորհրդի, եւ Բանկի նախագահ Սումա Չակրաբարտիի հետ հասարակական կազմակերպությունների հանդիպման ժամանակ:
Բանկը Ամուլսարի նախագիծը դասում է ռիսկերի երկրորդ В կատեգորիային այն դեպքում, երբ նախագիծը կրում է բազմաթիվ ռիսկեր, որոնք սպառնում են ջրային ռազմավարական պաշարներին՝ Սևանա լճին, Կեչուտի և Սպանդարյանի ջրամբարներին, Արփա և Որոտան գետերի ջրային ավազաններին, ինչպես նաև Կարմիր գրքի տեսակներին, ռադիացիոն անվտանգությանը, Ջերմուկ հանգստավայրի զարգացմանը: Բաց է մնում այն հարցը՝ կարո՞ղ է արդյոք բանկը մի ընկերության բաժնետեր լինել, որն ունի նման մակարդակի ռիսկեր պարունակող նախագիծ:
«Մենք կարծում ենք, որ նախագծերի կատեգորիան որոշվում է ելնելով ռիսկերի աստիճանից, այլ ոչ թե կոնկրետ կազմակերպության կանոնադրությունից: Եթե կանոնադրությունն արգելում է EBRD-ին լինել մի ընկերության բաժնետեր, որն ունի նման մակարդակի ռիսկեր պարունակող նախագիծ, ապա պետք է հրաժարվել բաժնետոմսերից, այլ ոչ թե իջեցնել կատոգորիաները»,- նշել է ԷկոԼուրի նախագահ Ինգա Զարաֆյանը Վարշավայում: Նաև ավելացնենք, որ չնայած Բանկի կողմից ֆինանսավորվող նախագծերի բազմազանությանը, նախագահ Սումա Չակրաբարտին ասաց, որ արդեն իրազեկված է Ամուլսարի նախագծի մասին:
Մայիս 27, 2014 at 11:10