ԷկոԼուր
Փետրվարի 13-ին` վաղ առավոտից, Ալավերդու պղնձաձուլարանի աշխատակիցները փակ են պահում Երևան-Թբիլիսի երկաթգիծը: Նրանք պահանջում են փետրվարի 8-ին վարչապետ Նիկոլ Փաշինյանին ուղղված նամակի արձագանքը և հստակեցնել իրենց կարգավիճակը:
Փետրվարի 28-ից կլուծարվեն աշխատակիցների աշխատանքային պայմանագրերը, որոնք կառավարության միջամտությամբ երկու ամսով երկարաձգվել էին:
Ալավերդի համայնքի ղեկավար Սասուն Խեչումյանը փորձում է համոզել ակցիայի մասնակիցներին բացել երկաթգիծը: ԷկոԼուրի հետ զրույցում քաղաքապետը նշեց, որ ակցիայի մասնակիցները պահանջում են բանակցություններ:
Հիշեցնենք, որ Ալավերդու պղնձաձուլական գործարանի աշխատակիցները ՀՀ վարչապետին նամակ էին ուղարկել` խնդրելով մինչև մարտի 1-ը վերջնական լուծում գտնել խնդրին:
Լուսանկարը՝ 168.am
Փետրվար 13, 2019 at 19:30