«ԱԶԱՏԱՄԱՐՏ» ԿՈՄԻՏԵՆ ՍՅՈՒՆԻՔԻ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ԵՎ ՔԱՂԱՔԱԿԱՆ ԿՈՒՍԱԿՑՈՒԹՅՈՒՆՆԵՐԻ ՇՐՋԱՆՈՒՄ ՀԱՅՏԱՐԱՐՈՒԹՅՈՒՆ Է ՏԱՐԱԾԵԼ՝ ԿՈՉ ԱՆԵԼՈՎ ՄԻԱՎՈՐՎԵԼ ՈՒՐԱՆԻ ՀԱՆՔԱՎԱՅՐԵՐԻ ՇԱՀԱԳՈՐԾՄԱՆ ԴԵՄ

«ԱԶԱՏԱՄԱՐՏ» ԿՈՄԻՏԵՆ ՍՅՈՒՆԻՔԻ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ԵՎ ՔԱՂԱՔԱԿԱՆ ԿՈՒՍԱԿՑՈՒԹՅՈՒՆՆԵՐԻ ՇՐՋԱՆՈՒՄ ՀԱՅՏԱՐԱՐՈՒԹՅՈՒՆ Է ՏԱՐԱԾԵԼ՝ ԿՈՉ ԱՆԵԼՈՎ ՄԻԱՎՈՐՎԵԼ ՈՒՐԱՆԻ ՀԱՆՔԱՎԱՅՐԵՐԻ ՇԱՀԱԳՈՐԾՄԱՆ ԴԵՄ

ԷկոԼուր

«Մենք դեմ չենք մեր երկրի տնտեսական զարգացմանը, այլ երկրների հետ համագործակցության ծավալների ընդլայնմանը, երկրագնդի վրա ավելի հաստատուն տեղ գրավելուն: Մենք ուզում ենք տեղեկանալ, թե այդ ամենը ինչ է արժենալու մեզ համար:

Վտանգվում է մեր ապագան: Մենք պարտավոր ենք ապահովագրել մեր վաղվա օրերը: Տնտեսապես զարգացած երկիրն առանց մարդկային ներուժի դատապարտված է»,- ասված է Սյոււնիքի մարզի հասարակական կազմակերպություններին եւ քաղաքական կուսակցություններին ուղղված՝ «Ազատամարտ» Կապանի տարածաշրջանի զոհված եւ վիրավոր ազատամարտիկների ընտանիքների իրավունքների պաշտպանության կոմիտեի հայտարարության մեջ: Հայտարարությունում նաեւ նշված է, որ ««Հայ-ռուսական լեռնահանքային կազմակերպություն» ՓԲԸ-ն սկսել է Սյունիքում ուրանի հանքավայրերի ուսումնասիրության ծրագիրը: Լեռնաձոր համայնքի 9 բնակավայրերից 4-ը հետազոտությունների գոտում են գտնվում: «Ուրան» անունն արդեն տագնապի, անհանգստության առիթ է տալիս: Մարզի բնակչությունն արդեն մի քանի ամիս է, լսում է «ուրան» անունն ու անտեղյակ է, թե ինչ է կատարվում մեր կողքին»:

Ինչպես «ԷկոԼուր»-ին հայտնեց Կապանի Օրհուս կենտրոնի համակարգող Աշոտ Ավագյանը, հայտարարության հետ միաժամանակ «Ազատամարտ» կոմիտեն դիմում է ուղարկել նաեւ Օրհուս կենտրոնին: Դիմումում կոմիտեի նախագահ Խորեն Հարությունյանը վստահությունն է հայտնել, որ ուրանի հանքավայրերի շահագործման դեմ նախաձեռնությանը կմիանա նաեւ Կապանի Օրհուս կենտրոնը: «Մեզանից յուրաքանչյուրի խնդիրն է մեր պահանջը լսելի դարձնել իշխանական մակարդակներում: Դա էլ կլինի քաղաքացիական հասարակության ձեւավորման ճանապարհի հաղթանակներից մեկը»,- նշված է Կապանի Օրհուս կենտրոնին ուղղված դիմումում:

Դեկտեմբեր 08, 2009


Թեժ կետեր


Մարզեր


Բաժանորդագրում

Subscribe to receive our latest news