ԷկոԼուր
2014թ-ին բնապահպանության ոլորտի խախտումներն ավելացել են: Ավելացել է նաեւ բնապահպանական պետական տեսչության ստուգումների եւ տուգանքների թիվը: Բնապահպանական պետական տեսչության` 2014թ. առաջին կիսամյակում կատարած աշխատանքների վերաբերյալ հաշվետվության համաձայն` հաշվետու ժամանակահատվածում իրականացվել է 28 ստուգում 2013թ. նույն ժամանակահատվածի 19 ստուգման փոխարեն: Ընդհանուր առմամբ հայտնաբերվել են 387 խախտումներ (2013թ.` 341 հատ ), որոնցից`
- ջրօգտագործման ոլորտում` 5, 2013թ.` 12,
- հողօգտագործման ոլորտում` 30, 2013թ.` 24,
- կենսապաշարների օգտագործման ոլորտում` 270, 2013թ.` 225,
- մթնոլորտի պահպանության ոլորտում` 27, 2013թ.` 13,
- թափոնների և վնասակար նյութերի տեղադրման ոլորտում` 3, 2013թ.` 1,
- սահմանված ժամկետում հաշվետվությունների չներկայացում` 48, 2013թ.` 62,
- էկոփորձաքննության եզրակացության բացակայություն` 4, 2013թ.` 1:
Կազմվել է վնասի հատուցման 241 որոշում` 34.2 միլիոն դրամ ընդհանուր գումարով (2013թ.` 218 արձանագրություն 53.4 միլիոն. դրամ): Կայացվել է վարչական տուգանքի 338 որոշում` 24.3 միլիոն դրամ ընդհանուր գումարով (2013թ.` 303 որոշում` 20,3 միլիոն դրամ գումարով):
Հաշվետու ժամանակահատվածում իրավապահ մարմիններին է ներկայացվել 30.1 միլիոն դրամ գումարի 8 գործ և դատարան` 93 հայց` 24.8 մլն դրամ գումարով:
Տեսչության կիրառած պատժամիջոցներից ՀՀ պետական բյուջե մուտքերը կազմել են 56.1 միլիոն դրամ գումար (2013թ.` 33.98 միլիոն դրամ):
Հուլիս 17, 2014 at 14:55