ԷկոԼուր
«GeoProMining Gold» ընկերությանը կթույլատրվի արտադրական կարիքների համար մինչև 2012 թվականի դեկտեմբերի 31-ը Հայաստանի Հանրապետություն ներմուծել 600 տոննա նատրիումի ցիանիդ: ՀՀ կառավարության փետրվարի 23-ի նիստին այս հարցի վերաբերյալ որոշման նախագիծը կներկայացնի ՀՀ էներգետիկայի եւ բնական պաշարների նախարար Արմեն Մովսիսյանը:
Նատրիումի ցիանիդի ներմուծման, փոխադրման, պահեստավորման, պահպանության և անվտանգության պայմանների նկատմամբ վերահսկողությունը կիրականացնեն ՀՀ առողջապահության, արտակարգ իրավիճակների, բնապահպանության նախարարները, ՀՀ կառավարությանն առընթեր ազգային անվտանգության ծառայության տնօրենը, ՀՀ կառավարությանն առընթեր ոստիկանության պետը, ՀՀ կառավարությանն առընթեր պետական եկամուտների կոմիտեի նախագահը:
Նշենք, որ Հայաստանում «GeoProMining Gold» ընկերությունը շահագործում է Սոտքի ոսկու հանքավայրը, Ագարակի պղնձամոլիբդենային հանքավայրը, Արարատի ոսկու գործարանը:
Փետրվար 21, 2012 at 17:17