ԷկոԼուր
ՀՀ էներգետիկայի եւ բնական պաշարների նախարարությունը տեղյա՞կ չէ ՀՀ պոչամբարների իրական թվի մասին: Այս հարցն առաջանում է, երբ կարդում ես ՀՀ էներգետիկայի եւ բնական պաշարների նախարարության պաշտոնական կայքում հրապարակված տեղեկատվությունը ՀՀ պոչամբարների մասին:
«Հանրապետության տարածքում առկա են օգտակար հանածոների հանքավայրերի շահագործման ընթացքում առաջացող թափոնների կուտակման 15 պոչամբարներ, որոնց ծավալները անցնում են մի քանի մլն. խոր.մ-ից զբաղեցնում են մոտ 700 հա ընդհանուր մակերես: Ներկայումս պոչամբարներում կուտակված օգտակար հանածոների արդյունահանման և վերամշակման արդյունքում առաջացած արտադրական թափոնները չեն օգտագործվում, չնայած դրանք պարունակում են մեծքանակությամբ բազմամետաղներ», գրված է կայքում:
Նշենք, որ ՀՀ արտակարգ իրավիճակների նախարարության պաշտոնական տեղեկատվության համաձայն` պոչամբարները 19-ն են, որոնց կեսը միայն գտնվում է Սյունիքի մարզում: Հայաստանի ամենամեծ պոչամբարը «Զանգեզուրի պղնձամոլիբդենային կոմբինատ» ՓԲԸ-ի կողմից շահագործվող Արծվանիկի պոչամբարն է:
Դեկտեմբեր 19, 2013 at 16:53