Սեւանա լճի մակարդակն այս մայիսին ավելի ցածր է, քան նախորդ տարի

ԷկոԼուր

Սեւանա լճի մակարդակն այս մայիսին ավելի ցածր է, քան նախորդ տարի: 2013թ. մայիսի 3-ի դրությամբ Սեւանա լիճը ծովի մակարդակից գտնվել է 1900 մետր 32 սանտիմետր բարձրության վրա: Այս ցուցանիշը 2 սանտիմետրով պակաս է նախորդ տարվա ցուցանիշից: Ինչպես ԷկոԼուրին հայտնեց Գավառի Օրհուս կենտրոնի համակարգող Լիանա Ասոյանը 2012թ. մայիսի 3-ի դրությամբ լճի մակարդակը կազմել է  1900 մետր 34սմ: Չնայած այս հանգամանքին, նկատվում է լճի մակարդակի բարձրացում, քանի որ այս տարվա ապրիլի 25-ի ցուցանիշից Սեւանի մակարդակը մայիսի 3-ին բարձր է եղել 4 սանտիմետրով:

Մայիս 07, 2013 at 17:16