Թեղուտի պղնձամոլիբդենային հանքը լիարժեքորեն կշահագործվի արդեն 2013 թվականի երկրորդ կեսին

Թեղուտի պղնձամոլիբդենային հանքը լիարժեքորեն կշահագործվի արդեն 2013 թվականի երկրորդ կեսին

News.am

Թեղուտի պղնձամոլիբդենային հանքը լիարժեքորեն կշահագործվի արդեն 2013 թվականի երկրորդ կեսին, Հայաստանի նախագահ Սերժ Սարգսյանի եւ լեռնահանքային արդյունաբերության ոլորտի ընկերությունների ղեկավարների խորհրդակցության արդյունքների մասին լրագրողների հետ զրույցում ասաց «Վալեքս գրուպի» կազմի մեջ մտնող ընկերությունների ղեկավար Վալերի Մեժլումյանը։

Նրա խոսքով, Թեղուտի հանքի թափոնները կվերամշակվեն Դրմբոնում ներկայումս կառուցվող ձեռնարկությունում։ Միաժամանակ, Մեժլումյանը խուսափեց կոնկրետ պատասխանել այն  հարցին, թե հանքի շահագործումը կվնասի՞ հայրենի բնությանը, թե` ոչ:

«Յուրաքանչյուր միջավայրում, ուր մարդ է ապրում, բնությունն այսպես թե այնպես վտանգված է»,- նկատեց Մեժլումյանը՝ ավելացնելով, որ գիտության եւ տեխնիկայի վերջին ձեռքբերումներ համարվող տեխնոլոգիաները թույլ կտան նվազագույն վնաս հասցնել բնությանը։

Նա նաեւ հայտնեց, որ Թեղուտի հանքավայրին կից ձեռնարկություն  կբացվի, ուր բնական քարերից զարդեր կարտադրվեն։

Նշենք, որ «Վալեքս» խմբի ընկերությունները Հայաստանի եւ Լեռնային Ղարաբաղի պետբյուջե մուծել են 8 մլրդ դրամ հարկ եւ կատարել 14 մլրդ դրամի ներդրումներ։ Իսկ ապրանքնաշրջանառությունը 2010-ին հասել է 60 մլրդ դրամի։

11:53 Ապրիլ 28, 2011


Թեժ կետեր


Մարզեր


Բաժանորդագրում

Subscribe to receive our latest news