ՓՈՐՁԱԳԻՏԱԿԱՆ ՏԵՂԵԿԱՏՎՈՒԹՅՈՒՆ › Պաշտոնական աղբյուրներ ›
Նուբարաշենի թունաքիմիկատների գերեզմանոցի հարցը կլուծվի արդեն այս տարի
Panorama.am
2012թ-ին Բնապահպանության նախարարության ծրագրերի մեջ է մտնում Նուբարաշենի թունաքիմիկատների ոչնչացումը. գերատեսչությունն արդեն համապատասխան պայմանավորվածություն է ձեռք բերել GEF հիմնադրամի հետ:
Այս մասին այսօրվա ասուլիսում հայտարարեց նախարար Արամ Հարությունյանը. «Դեռևս հիմնական անելիքը` տեղում ոչնչացնել կամ տեղափոխել երրորդ երկիր վերջնականապես ճշտված չէ: Բայց մենք նաև տեղում ունենք հնարավորություն այդ թունաքիմիկատները ոչնչացնել, մասնավորապես` ունենք մի քանի գործարաններ, որոնք ունեն համապատասխան թույլտվություն ոչնչացնել քիմիկատներ»,- նշեց նախարարը: Նաև ավելացրեց, որ ծրագիրը դեռ ընթացքի մեջ է և վերջնական որոշում կայացված չէ:
Այս ծրագրի համար միայն հիմնադրամը կհատկացնի 5 մլն դրամ, սակայն նախարարը նշեց, որ գերատեսչությունը ևս միջոցներ կտրամադրի:
Նշենք, որ նույն հիմնադրամի աջակցությամբ նախատեսվում է ևս յոթ ծրագրեր իրականացնել` «Քաղաքային բնակավայրերի լուսավորության էներգախնայողության բարձրացում» և այլն:
Կայքը գործում է Բաց Հասարակության Հիմնադրամներ - Հայաստանի աջակցությամբ
Ավելացրեք ձեր մեկնաբանությունը