Lragir.am
Քաղաքային զբոսայգին չի վաճառվել, պնդում է Արմավիրի քաղաքապետ Ռուբեն Խլղաթյանը: Վաճառվել է Արմավիր քաղաքի զբոսայգու ընդամենը 20 տոկոսը, վերջերս հայտարարեց Արմավիրի ճարտարապետ Արմեն Աբգարյանը:
Պարզվում է, Ռուբեն Խլղաթյանը ճիշտ է ասում, տարածքը, որը վաճառվել է, արդեն զբոսայգու տարածք չի համարվում, ավելին, նախորդ տարի փոխվել և հաստատվել է Արմավիր քաղաքի նոր հատակագիծը, նոր հատակագծով այգու այդ հատվածը այլևս այգի չէ:
Ռուբեն Խլղաթյանը թաքցնում էր, որ տարածքը վաճառվել է ու ասում, թե այդտեղ կտրում են ծառերը նոր և դեկորատիվ ծառեր տնկելու համար:
Ծառերը կտրվեցին, նոր ծառեր չտնկվեցին, փոխարենը 800 քմ տարածքում հիմք փորվեց ու շինարարություն սկսվեց: Ասում են տարածքը գնել է ԱԺ պատգամավոր Ռուբեն Հայրապետյանը բանկ կառուցելու նպատակով: Կառուցվող բանկի հարակից տարածքը նույնպես վաճառվել է, այստեղ էլ ասում են ժամանցային վայր է կառուցվում, սրճարան, խանութ ու էլի ին-որ բան, քաղաքացիները հաստատ չգիտեն, ուղղակի լսել են, տերն էլ չգիտեն ով է:
Օգոստոսի 6-ին Արմավիր քաղաքի մի խումբ ակտիվ երիտասարդներ քաղաքային զբոսայգում բողոքի ակցիա էին կազմակերպել: Հասմիկ Մարտիրոսյանը զբոսայգու պահպանման և կանաչ ծառերի հատման համար իր պայքարն է մղում ամենասկզբից, նա մտահոգված է քաղաքի միակ զբոսայգու ճակատագրով:
Օգոստոս 10, 2011 at 12:50