Մարոկկոյում անցկացվող ՄԱԿ-ի կլիմայական հարցերով 22-րդ համաժողովին Հայաստանը դիտորդի դերում է

Մարոկկոյում անցկացվող ՄԱԿ-ի կլիմայական հարցերով 22-րդ համաժողովին Հայաստանը դիտորդի դերում է

ԷկոԼուր

Նոյեմբերի 7-ին Մարոկկոյի Մարաքեշ քաղաքում բացվեց ՄԱԿ-ի «Կլիմայի փոփոխության մասին» շրջանակային կոնվենցիայի մասնակից երկրների 22-րդ համաժողովը: Այն կշարունակվի մինչև նոյեմբերի 18-ը: Համաժողովի աշխատանքներին կմասնակցի մոտ 20 հազար պատվիրակություն՝ ներառյալ պետությունների և կառավարությունների ղեկավարներ: Հայաստանն այս բանակցություններին կմասնակցի դիտորդի դերում, առանց ձայնի իրավունքի: Հայաստանը ձայնի իրավունք կստանա միայն այն ժամանակ, երբ կվավերացնի «Կլիմայի փոփոխության մասին» Փարիզյան համաձայնագիրը, որը օրինական ուժի մեջ է մտել ս.թ. նոյեմբերի 4-ին: ՄԱԿ-ի գլխավոր քարտուղար Բան Կի Մունը կոչ է արել երկրներին, որոնք դեռ չեն վավերացրել համաձայնագիրը, միանալ նրա մասնակիցների շրջանակին ամենամոտ ժամանակներում:

ՄԱԿ-ի պաշտոնական կայքի համաձայն, այսօրվա դրությամբ մոտ 100 պետություն Փարիզյան համաձայնագրի մասնակից է:

Հիշեցնենք, որ Փարիզյան համաձայնագիրը ընդունվել է ՄԱԿ-ի «Կլիմայի փոփոխության մասին» շրջանակային կոնվենցիայի մասնակից երկրների 21-րդ համաժողովի ժամանակ: Համաձայնագրով որոշվել է զսպել գլոբալ ջերմաստիճանի բարձրացումը 1.5 աստիճան Ցելսիուսի սահմաններում:

15:12 Նոյեմբեր 07, 2016


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news