ԷկոԼուր
Հայաստանի Հանրապետության արտակարգ իրավիճակների նախարարությունը կմիացվի ՀՀ տարածքային կառավարման նախարարությանը: Միեւնույն ժամանակ ՀՀ կառավարության կազմը կհամալրի նոր՝ Հայաստանի Հանրապետության միջազգային տնտեսական ինտեգրման և բարեփոխումների նախարարությունը: Այս մասին ՀՀ կառավարության նոյեմբերի 6-ի նիստի ժամանակ ասաց ՀՀ վարչապետ Հովիկ Աբրահամյանը: Ըստ վարչապետի`փոփոխության նպատակը ավելի արդյունավետ կառավարման համակարգ ապահովելն է:
Կառավարության կառուցվածքում փոփոխություններն արտացոլված են «Հայաստանի Հանրապետության կառավարության կառուցվածքի մասին» ՀՀ օրենքում փոփոխություն և լրացումներ կատարելու մասին» ՀՀ օրենքի նախագծում, որը կներկայացվի ՀՀ Ազգային ժողովին:
Նոյեմբեր 06, 2014 at 15:22