Հայաստանում ամեն մի փոքրիկ տնակի տանիք պետք է պատված լինի արևային վահանակներով. «Սոլարոն»-ի աշխատակից

Հայաստանում ամեն մի փոքրիկ տնակի տանիք պետք է պատված լինի արևային վահանակներով. «Սոլարոն»-ի աշխատակից

ԷկոԼուր

Հայաստանում ամեն մի քաղաքի ու գյուղի ամեն մի փոքրիկ տնակի տանիք պետք է պատված լինի արևային վահանակներով: «Սոլարոն» ընկերության այս և այլ հեռահար նպատակների մասին հայտնեց ընկերության կոմերցիոն հարցերով պատասխանատու Էմմա Ալլախվերդյանը:

«Սոլարոն»-ի գործարանում մեկ վահանակ արտադրելու համար ծախսվում է մինչև 30 րոպե ժամանակ: Իսկ այդ ընթացքում վահանանկների արտադրությունն անցնում է քառակի վերահսկողություն: Էմմա Ալլախվերդյանի խոսքով, վահանակի բոլոր բաղկացուցիչ մասերը սերտիֆիկացված ապրանքներ են՝ ներկրված արտասահմանից: Վերջինս չբացառեց, որ Հայաստանում իրենց անհրաժեշտ բաղկացուցիչ մասերի արտադրության դեպքում, դրանք ձեռք կբերեն հայկական արտադրողից:

«Պայմանագրում նշում ենք, որ 25 տարվա մեջ վահանակներն իրավունք ունեն դեգրադացվել մինչև 20 տոկոս, դրանց հզորությունը կարող է ընկնել: Սակայն ունենք կայաններ, որոնք տեղադրել ենք 3 տարի առաջ և մինչ օրս չեն դեգրադացվել», - նշեց նա:

Ճանաչողական այցը Հայաստանում արևային վահանակների արտադրությամբ զբաղվող «Սոլարոն» ընկերության գործարան կազմակերպել էր «Կանայք կլիմայում և էներգետիկայում» կազմակերպությունը։

Լուսանկարը՝ «Կանայք կլիմայում և էներգետիկայում» ՀԿ-ի

 

 

18:27 Ապրիլ 29, 2019


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news