Առանց համարների մեքենաները նորմա Բնապահպանական պետական տեսչության համար

Առանց համարների մեքենաները նորմա Բնապահպանական պետական տեսչության համար

ԷկոԼուր

Առանց համարների մեքենաները, որոնց երթեւեկությունը բոլոր երկրներում համարվում է անօրինական, ՀՀ բնապահպանության նախարարության բնապահպանական պետական տեսչությունը նորմա է համարում: Միայն այդպես կարելի է մեկնաբանել ՀՀ բնապահպանության նախարարության պատասխանը` ուղղված «Չենք լռելու» շարժման ակտիվիստների ահազանգին, ովքեր տեղեկացրել էին Կիրանցի մոտ ապօրինի ծառահատումների մասին: Նախարարությունը հայտարարեց, որ ստուգումներ է անցկացրել, որի արդյունքում ապօրինի անտառահատումներ չեն հայտնաբերվել: Նախարարությունն անտեսել է այն փաստը, որ փայտով բեռնված մեքենան համարներ չի ունեցել: 

Եթե անտառի փայտ տեղափոխող առանց համարների մեքենան համարվում է օրինական փոխադրամիջոց, ապա չինովնիկների բարձր հայտարարությունները` անօրինական հատումների դեմ պայքարի եւ ճանապարհների վերահսկողության մասին, կարելի է դատարկ խոսքեր համարել:

Օրինականության եւ անօրինականության նկատմամբ հենց այս վերաբերմունքն է ամենամեծ ահազանգը, ինչի նկատմամբ մենք հրավիրում ենք անօրինական հատումների դեմ պայքարի համար պատասխանատու անձանց ուշադրությունը` ՀՀ գլխավոր դատախազ Աղվան Հովսեփյանի, ՀՀ բնապահպանության նախարար Արամ Հարությունյանի, «Հայանտառ» ՊՈԱԿ-ի տնօրեն Մարտուն Մաթեւոսյանի, «Անտառային մոնիտորինգի պետական կենտրոն» ՊՈԱԿ-ի տնօրեն Արթուր Ալավերդյանի, ՀՀ ոստիկանապետ Ալիկ Սարգսյանի:

14:24 Օգոստոս 24, 2011


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news