Արդյո՞ք ընդերքօգտագործողները կատարել են կառավարության որոշումը և ներկայացրել շրջակա միջավայրի մշտադիտարկման հաշվետվություններ. հարցում Բնապահպանության նախարարությանը

Արդյո՞ք ընդերքօգտագործողները կատարել են կառավարության որոշումը և ներկայացրել շրջակա միջավայրի մշտադիտարկման հաշվետվություններ. հարցում Բնապահպանության նախարարությանը

ԷկոԼուր

Արդյոք ընդերքօգտագործող ընկերությունները կատարել են ՀՀ կառավարության որոշումը և ներկայացրել շրջակա միջավայրի մշտադիտարկման հաշվետվություններ: Այս կապակցությամբ «ԷկոԼուր» տեղեկատվական ՀԿ-ն հարցում է ուղարկել ՀՀ բնապահպանության նախարարություն:

Հարցման մեջ նշված է.

«ՀՀ կառավարությունը 2018 թվականի փետրվարի 22-ին ընդունել է «Ընդերքօգտագործման հետևանքով բնապահպանական կորուստների նվազեցման, անվերադարձ ազդեցության կանխարգելման նպատակով պլանավորվող մշտադիտարկումների իրականացման պահանջների, ինչպես նաև արդյունքների վերաբերյալ հաշվետվությունները ներկայացնելու կարգը հաստատելու մասին» թիվ 191-Ն որոշումը: Համաձայն այդ որոշման` մետաղական հանքավայրեր շահագործող ընդերքօգտագործողները պարտավոր են ներդնել շրջակա միջավայրի` ստորերկրյա և մակերևույթային ջրերի, մթնոլորտային օդի, հողային ծածկույթի, վայրի բնության, կենսամիջավայրի, Կարմիր գրքում գրանցված բուսատեսակների և կենդանատեսակների մշտադիտարկումների համակարգ: Արդյունքների վերաբերյալ եռամսյակային և տարեկան հաշվետվությունը պարտավոր են ներկայացնել ՀՀ բնապահպանության նախարարությանը: Նույն որոշմամբ նախարարությանը հանձնարարված է, որպեսզի այդ հաշվետվությունները տեղադրի իր պաշտոնական էլեկտրոնային կայքում։

Հաշվի առնելով վերոգրյալը և առաջնորդվելով «Տեղեկատվության ազատության մասին» ՀՀ օրենքով` խնդրում ենք տրամադրել տեղեկատվություն կառավարության որոշման պահանջների կատարման վերաբերյալ՝ մինչ այսօր հաշվետվություն ներկայացրած կազմակերպությունների ցուցակը, ինչպես նաև որոշման պահանջները չկատարած կազմակերպությունների նկատմամբ նախարարության կիրառած գործողությունների վերաբերյալ»։

 

14:18 Նոյեմբեր 14, 2018


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news