Հայաստանի մետաղական հանքերը շահագործող ընկերությունների իրական սեփականատերերը. մաս 16՝ «ԱՏ-Մետալս» ՍՊԸ

Հայաստանի մետաղական հանքերը շահագործող ընկերությունների իրական սեփականատերերը. մաս 16՝ «ԱՏ-Մետալս» ՍՊԸ

ԷկոԼուր

ԷկոԼուրը շարունակում է ներկայացնել Հայաստանի մետաղական հանքերը շահագործող ընկերությունների իրական սեփականատերերի վերաբերյալ հայտարարագրերը, որոնք հրապարակվել են Արդյունահանող ճյուղերի թափանցիկության նախաձեռնության շրջանակներում՝ ՀՀ արդարադատության նախարարության իրավաբանական անձանց պետական ռեգիստրի գործակալության կայքում

Այս հրապարակման մեջ կանդրադառնանք Սյունիքի մարզում գտնվող Մեղրասարի ոսկու հանքավայրի (հանքավայրը չի շահագործվել) ընդերքօգտագործման իրավունք ունեցող «ԱՏ-Մետալս» ՍՊԸ-ի հայտարարագրին

Չշահագործված հանքավայրի հայ և ռուս սեփականատերերը

«ԱՏ-Մետալս» ՍՊԸ-ն գրանցվել է 2012 թ-ի նոյեմբերի 6-ին: Հայտարարագրում բացահայտված է ութ իրական սեփականատեր՝ երեքը ՀՀ քաղաքացիներ, իսկ մնացած հինգը՝ ՌԴ քաղաքացիներ:

ՀՀ քաղաքացիներն առաջին երեք իրական սեփականատերերն են և ընկերությունում իրենց բաժնեմասերը ձեռք են բերել նույն օրը՝ 2018 թ-ի փետրվարի 5-ին:

Այսպես, առաջին իրական սեփականատերը ՀՀ քաղաքացի Կարեն Հովսեփյանն է, ով ընկերությունում ունի 19.8% բաժնեմաս:

Երկրորդ իրական սեփականատերը Համլետ Հովսեփյանն է՝ 15% բաժնեմասով:

Կրկին 15% բաժնեմասով ընկերության երրորդ իրական սեփականատերը Վարդան Հովսեփյանն է:

Նրանց՝ բոլորի աշխատանքի միակ վայրն, ըստ հայտարարագրի, «ԱՏ-Մետալս» ՍՊԸ-ն է, սակայն պաշտոնները նշված չեն: Բոլոր երեք սեփականատերերն ընկերությունում ունեն ուղղակի մասնակցություն՝ փոխկապակցված ֆիզիկական անձի/անձանց հետ համատեղ: Նրանք նաև ընկերության բաժնետերերի ընդհանուր ժողովի անդամներ են:

Չորրորդ իրական սեփականատերը Սերգեյ Մուլինն է, ով ձեռք է բերել ընկերության 25.61% բաժնեմասը 2018 թ-ի փետրվարի 25-ին: Սերգեյ Մուլինը ռուսական «Ավիատեխնոլոգիա Գրուպպ» ՍՊԸ-ի գործադիր մարմնի ղեկավարն է:

Հինգերորդ իրական սեփականատերը Գենադի Մուլինն է՝ 19% բաժնեմասով, որը նա ձեռք է բերել 2013 թ-ի հուլիսի 26-ին: Գենադի Մուլինն էլ ռուսական «Ավիատեխնոլոգիա ԳԱՄ» ՓԲԸ-ի գործադիր մարմնի ղեկավարն է:

Վեցերորդ իրական սեփականատերը Պավել Խանչինն է՝ 7.48% բաժնեմասով, որը նա ձեռք է բերել 2018 թ-ի փետրվարի 25-ին, ինչպես Սերգեյ Մուլինը:

Յոթերորդ իրական սեփականատերը Սերգեյ Արոնովն է՝ կրկին 7.48% բաժնեմասով, որը ևս ձեռք է բերել 2018 թ-ի փետրվարի 25-ին:

Ութերորդ իրական սեփականատերը «ԱՏ-Մետալս» ՍՊԸ-ի գործադիր մարմնի ղեկավար Ռոստիսլավ Պրեսնովն է:

ՌԴ քաղաքացի սեփականատերերը, բացառությամբ Ռոստիսլավ Պրեսնովի, ընկերությունում ունեն անուղղակի մասնակցություն՝ փոխկապակցված ֆիզիկական և իրավաբանական անձանց հետ համատեղ: Նրանք՝ բոլորը, ընկերության բաժնետիրական ժողովի անդամներ են:Նրանց համար որպես միջանկյալ ընկերություններ գործում են Մուլինների ղեկավարած «Ավիատեխնոլոգիա Գրուպպ» ՍՊԸ-ն և «Ավիատեխնոլոգիա ԳԱՄ» ՓԲԸ-ն:

18:05 Հունիս 22, 2020


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news