EBRD-ն դեռ որոշում չի կայացրել, թե արդյոք կներգրավվի Ամուլսարի ոսկու հանքավայրի նախագծի ֆինանսավորման մեջ

ԷկոԼուր

Վերակառուցման եւ զարգացման եվրոպական բանկը (EBRD) դեռ չի որոշել, թե արդյոք կներգրավվի Ամուլսարի ոսկու հանքավայրի նախագծի ֆինանսավորման մեջ: Այդ մասին նշված է CEE Bankwatch Network միջազգային ցանցին ուղղված` EBRD-ի էկոլոգիական դեպարտամենտի գործադիր տնօրեն Ալիսթեր Կլարկի ստորագրությամբ պատասխան նամակում: Հիշեցնենք, որ «Lydian International» ընկերությունը, որի ակտիվներում Ամուլսարի նախագիծն է, EBRD-ին համարում է գլխավոր ներդրողներից մեկը Միջազգային ֆինասական կորպորացիայի հետ միասին (IFC, համաշխարհային բանկի խումբ):

CEE Bankwatch Network-ի` բանկին ուղղված նամակում  նշվել է ՀՀ բնապահպանության նախարարության կողմից ցիանային արտադրության վերաբերյալ եզրակացության ստացման գործընթացի մասին է, երբ ՇՄԱԳ-ի վերաբերյալ պաշտոնական փաստաթղթերը եւ հասարակական լսումների արձանագրությունները ներկայացված չեն: Նշվել են Սեւանա լճի եւ Ջերմուկ առողջարանի համար ռիսկերը, Կարմիր գրքում գրանցված կենդանիների համար ռիսկերը, որոնց համար Ամուլսարը միգրացիոն միջանցք է, նշվել է ռադիոակտիվ անվտանգության մասին: CEE Bankwatch Network-ը, մասնավորապես նշում է. «Որպես շահագրգիռ կողմ` EBRD-ն պետք է վստահ լինի նրանում, որ Ամուլսարի համար ՇՄԱԳ-ը համապատասխանում է բանկի էկոլոգիական-սոցիալական քաղաքականությանը, Հայաստանի օրենսդրությանը եւ միջազգային լավագույն փորձին, ներառում է հասարակայնության եւ անկախ փորձագետների պատշաճ մասնակցությունը»:

EBRD-ի պատասխան նամակում ասված է. «Մենք տեղյակ ենք, որ «Lydian International»-ը հետազոտություններ է անցկացնում եւ արդեն ծրագրում է շահագործել Ամուլսարի հանքավայրը: Բանկը որոշակի պահանջներ ունի` «Lydian International»-ի համաձայնագրի առնչությամբ` կապված ազգային օրենսդրության եւ ՇՄԱԳԻ պահանջներին լիովին համապատասխանելու  հետ, ինչպես նաեւ բանկի սոցիալական եւ էկոլոգիական քաղաքականության պահանջներին համապատասխանելու հետ»: Նամակում նշված է, որ ընկերությունը ծրագրում է Ամուլսարի հանքավայրի շահագործում, եւ մտադիր է 2012թ. ամռանը հրապարակել ստանդարտներին համապատասխան ՇՄԱԳ-ը: Ամռանը պետք է կազմակերպվեն հանդիպումներ հիմնական շահագրգիռ կողմերի եւ հասարակայնության հետ: «Դրանից հետո բանկը կուսումնասիրի նախագիծը, որպեսզի վստահ լինի, որ նամակում նշված խնդիրները արտացոլված կլինեն նախագծում»:

Մայիս 14, 2012 at 14:23