Բնապահպանության փոխարեն Շրջակա միջավայրի նախարարություն

Բնապահպանության փոխարեն Շրջակա միջավայրի նախարարություն

ԷկոԼուր

ՀՀ կառավարության կազմի փոփոխության արդյունքում նախկին 18 նախարարությունների միավորման, անվանափոխության արդյունքում կառավարության կազմում կլինի 12 նախարարություն: Երեք փոխվարչապետի փոխարեն կլինեն երկուսը:

Այս փոփոխությունները նշված են «Կառավարության կառուցվածքի և գործունեության մասին» ՀՀ օրենքում փոփոխություններ և լրացումներ կատարելու մասին» օրենքի նախագծոում, որը մարտի 7-ին հավանության արժանացավ Կառավարության կողմից:

Նախագծի համաձայն՝ Բնապահպանության նախարարությունը նախատեսվում է անվանափոխել Շրջակա միջավայրի նախարարություն:

Էներգետիկ ենթակառուցվածքների և բնական պաշարների նախարարությունն ու Տարածքային կառավարման և զարգացման նախարարությունը միաձուլման ձևով կվերակազմակերպվի՝ ստեղծելով Տարածքային կառավարման և ենթակառուցվածքների նախարարություն:

Մշակույթի, Սպորտի և երիտասարդության հարցերի և Կրթության և գիտության նախարարությունների միաձուլման ձևով կձևավորվի Կրթության, գիտության, մշակույթի և սպորտի նախարարությունը:

Գյուղատնտեսության ու Տնտեսական զարգացման և ներդրումների նախարարությունների միաձուլման արդյունքում կստեղծվի Էկոնոմիկայի նախարարությունը:

Տրանսպորտի, կապի և տեղեկատվական տեխնոլոգիաների նախարարությունը կանվանափոխվի Բարձր տեխնոլոգիաների արդյունաբերության նախարարության:

Սփյուռքի նախարարությունը կմիացվի վարչապետի աշխատակազմին՝ ստեղծելով Սփյուռքի գործերի գլխավոր հանձնակատարի գրասենյակ:

 

18:34 Մարտ 07, 2019


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news