Շրջակա միջավայրին հասցվել 1.04 միլիոն դրամի վնաս

Շրջակա միջավայրին հասցվել 1.04 միլիոն դրամի վնաս

ԷկոԼուր

24.03-28.03.2014թթ. ժամանակահատվածում ՀՀ բնապահպանության նախարարության իրականացրած ստուգումների,  շրջայցերի ընթացքում խախտումների հայտնաբերման, Նախարարության վարույթին հանձնված գործերի քննությունների արդյունքում կայացվել է  510.0հազ.դր. ընդհանուր գումարի վարչական տուգանքի 9 որոշում և հաշվարկվել է 1.04մլն.դրամի շրջակա միջավայրին հասցված վնաս: Այս մասին տեղեկացնում է ՀՀ բնապահպանության նախարարության տեղեկատվության եւ հասարակայնության հետ կապերի վարչությունը:

Ընդհանուր առմամբ ՀՀ բնապահպանության նախարարության կիրառած պատժամիջոցներից պետական բյուջե հաշվետու ժամանակահատվածում մուտք է եղել 859.0հազ.դր.  գումար:                             

Մասնավորապես`

Գեղարքունիքի տարածքային բաժնի վարույթին հանձնված բուսական աշխարհի պահպանման նորմերի խախտման գործով մեկ ֆիզիկական անձի նկատմամբ կայացվել է 50.0հազ.դր.  գումարի վարչական տուգանքի  որոշում և հաշվարկվել է 483.75հազ.դր. գումարի շրջակա միջավայրին հասցված վնաս:  Լոռու տարածքային բաժնի աշխատակիցների իրականացրած շրջայցի ընթացքում    հայտնաբերված ապօրինի հատված յոթ ծառերի համար հաշվարկվել է 360.0հազ.դր. ընդհանուր գումարի շրջակա միջավայրին հասցված վնաս: Նյութերն ուղարկվել են  ՀՀ ոստիկանության Ստեփանավանի բաժին:  

Կենսաբազմազանության, հողերի, թափոնների և վնասակար նյութերի վերահսկողության ստորաբաժանման, Ընդերքի բնապահպանական վերահսկողության բաժնի և Արագածոտնի տարածքային բաժնի կողմից մեկ կազմակերպությունում իրականացված համատեղ ստուգման արդյունքում հայտնաբերված խախտումների համար կայացվել է 80.0հազ.դր. գումարի վարչական տուգանքի  որոշում և հաշվարկվել է 198.0հազ.դր. ընդհանուր գումարի շրջակա միջավայրին հասցված վնաս: Շիրակի տարածքային բաժնի աշխատակիցների իրականացրած շրջայցի ընթացքում    հայտնաբերված խախտման համար մեկ ֆիզիկական անձի նկատմամբ կայացվել է 30.0հազ.դր գումարի վարչական տուգանքի որոշում:

Գեղարքունիքի տարածքային բաժնի, «Սևան ԱՊ» ՊՈԱԿ-ի և ոստիկանության աշխատակիցների համատեղ իրականացրած ստուգայցերի արդյունքում հայտնաբերված ապօրինի որսի համար երեք ֆիզիկական անձի նկատմամբ կայացվել է 150.0հազ.դր ընդհանուր գումարի վարչական տուգանքի երեք որոշում:  Առգրավվել է 25.3կգ կենդանի  խեցգետին և 4 հատ «կարաս» տեսակի ձուկ, ինչը սահմանված կարգով բաց է թողնվել Սևանա լիճ: 

Գեղարքունիքի տարածքային բաժնի աշխատակիցների շրջայցի  արդյունքում  հայտնաբերված առանց փորձաքննական եզրակացության  իրականացված գործունեության  համար մեկ տնտեսվարողի նկատմամբ կայացվել է 100.0հազ.դր գումարի  վարչական տուգանքի  որոշում:

Տավուշի տարածքային ստորաբաժանման աշխատակիցների իրականացրած շրջայցերի ընթացքում հայտնաբերված փայտանյութի ապօրինի տեղափոխման համար երկու ֆիզիկական անձի նկատմամբ կայացվել է 100.0հազ.դր ընդհանուր գումարի վարչական տուգանքի երկու որոշում:

 

 

 

12:42 Ապրիլ 02, 2014


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news