Հայաստանի մարզերում կգործեն 40 որսահանդակներ

Հայաստանի մարզերում կգործեն 40 որսահանդակներ

ԷկոԼուր

ՀՀ կառավարության սույն թվականի օգոստոսի 18-ի որոշմամբ Հայաստանի 10 մարզերում կգործեն 40 որսահանդակներ:

Որոշման հիմնավորման համաձայն՝ մինչ այդ որսն իրականացվում էր Հայաստանի Հանրապետության ամբողջ տարածքում, ինչի արդյունքում էլ դժվարացել է որսի ռեսուրսի /պաշարի/ օգտագործման կառավարման գործընթացն ու վերահսկումը:

Որոշման ընդունումը պետք է ապահովի որսի կենդանիների կայուն օգտագործման գործընթացի կանոնակարգումն ու վերահսկումը:

Որսահանդակները կազմավորվելու են որպես՝

-հանրային օգտագործման (պետական սեփականություն հանդիսացող հողերի վրա կազմակերպված և որսորդական տնտեսությունների կողմից չօգտագործվող) որսահանդակներ

- օրենքով սահմանված կարգով իրավաբանական և ֆիզիկական անձանց` նրանց օգտագործման հանձնված պետական և համայնքային հողերի վրա կազմակերպված որսորդական տնտեսությունների կողմից օգտագործվող որսահանդակներ:

Որսահանդակների գտնվելու վայրի եւ տվյալ որսահանդակում հանդիպող սիրողական որսի օբյեկտ հանդիսացող կենդանատեսակների վերաբերյալ մանրամասներին կարող եք ծանոթանալ այստեղ:

Լուսանկարը՝ Մամիկոն Ղասաբյանի

18:34 Օգոստոս 18, 2016


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news