ԷկոԼուր
Երևանում մեկնարկել է ծառերի սանիտարական էտը, որը նախատեսված է ավարտել մինչև նոյեմբերի 1-ը: Դրանից հետո կսկսվեն աշնանային էտի աշխատանքները: Երևանի քաղաքապետարանի տեղեկատվության և հասարակայնության հետ կապերի վարչության հաղորդմամբ ծառերի սանիտարական էտի աշխատանքներ շրջանակում կատարվում է չոր և հիվանդ, ինչպես նաև գերաճ ճյուղերի հեռացում: Աշխատանքները կնպաստեն ոչ միայն ծառերի դեկորատիվ տեսքի ապահովմանը, այլև դրանց կենսունակությանն ու տարբեր տեսակի հիվանդությունների կանխարգելմանը: Սանիտարական էտի աշխատանքները վերահսկվում են Երևանի քաղաքապետարանի աշխատակազմի բնապահպանության վարչության, ինչպես նաև բազմաթիվ մասնագետների կողմից:
Սեպտեմբեր 29, 2017 at 14:09