ՀՀ բնապահպանության նախարարությունը մտադիր է 2017-ին «Դիլիջան» ազգային պարկ»-ը կտրուկ որակական փոփոխության ենթարկելու

ՀՀ բնապահպանության նախարարությունը մտադիր է 2017-ին «Դիլիջան» ազգային պարկ»-ը կտրուկ որակական փոփոխության ենթարկելու

ԷկոԼուր

ՀՀ բնապահպանության նախարար Արծվիկ Մինասյանն «Դիլիջան» ազգային պարկ կատարած այցի ժամանակ մտահոգություն է հայտնել անօրինական ծառահատումների դեպքերի առնչությամբ: «Մենք փակում ենք անտառը և դրա համար ամեն ջանք պետք է գործադրենք: Ով պատրաստ չէ այս հանձնարարականը կատարելու՝ հենց հիմա թող հրաժարական տա և դուրս գա:

Պատասխանատվություն կրելու են բոլորը՝ անտառապահներից, տեսուչներից մինչև փոխտնօրեն և տնօրեն: Առաջին կարևոր խնդիրը սա է: Երկորդը. որևէ ընդվզում՝ ներքևից կլինի, միջին օղակում , թե ամենավերևում, չեմ ընդունելու և չեմ հանդուրժելու, որովհետև մենք խնդիր ենք դրել «Դիլիջան» ազգային պարկ»-ը 2017 թվականին կտրուկ որակական փոփոխության ենթարկելու՝ սկսած ֆինանսավորումից մինչև կոնկրետ ծրագրերի իրականացում »,- ասել է նախարարը:

Աշխատանքների արդյունավետության բարձրացման համար և ապօրինի ծառահատումների դեպքերը բացառելու նպատակով նշվել են կանխարգելիչ միջոցառումները, տեխնոլոգիական լուծումների ներդնումը: Անտառապահները կարևորել են ստուգման կետերի առկայությունը, որոնք շատ արդյունավետ են, ինչպես նաև տեսչական բարեփոխումները, որոնք հնարավորություն կտան անցնել աշխատաժամային նոր ռեժիմի:

Այս մասին տեղեկացնում է ՀՀ բնապահպանության նախարարության տեղեկատվության և հասարկայնության հետ կապերի վարչությունը:

16:05 Հունվար 19, 2017


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news