171 ապօրինի հատված ծառ և 31 միլիոն դրամի շրջակա միջավայրին հասցված վնաս` Իջևանի անտառտնտեսությունում և «Դիլիջան» ազգային պարկում

171 ապօրինի հատված ծառ և 31 միլիոն դրամի շրջակա միջավայրին հասցված վնաս` Իջևանի անտառտնտեսությունում և «Դիլիջան» ազգային պարկում

ԷկոԼուր

«hetq.am» կայքում հրապարակված տեղեկատվության և ՀՀ բնապահպանության նախարարության «Թեժ գծով» ստացված ահազանգերի հիման վրա Բնապահպանական պետական տեսչության աշխատակիցները, ՀՀ ոստիկանության Դիլիջանի բաժնի աշխատակիցների, «Դիլիջան» ազգային պարկ» ՊՈԱԿ-ի, Հայաստանում Կովկասի բնության հիմնադրամի ազգային համակարգող Արման Վերմիշյանի, քաղաքացի Տիգրան Շահբազյանի հետ համատեղ, «Դիլիջան» ազգային պարկի «Հաղարծին տեղամասի» 6-րդ պահաբաժնում իրականացրել են լրացուցիչ տեղազննություններ, ինչի արդյունքում հայտնաբերվել են ապօրինի հատված 43 հատ հաճարենի, 31 հատ բոխի, 11 հատ կաղնի, 2 հատ թխկի և մեկ հատ հացենի տեսակի տարբեր տրամագծերի ծառեր:

Հաշվարկվել է 17.365.790 ՀՀ դրամի պետությանը պատճառած վնաս:

Տեղում առկա է եղել 125,38 խմ վառելափայտ:

ՀՀ գյուղատնտեսության նախարարության «Հայանտառ» ՊՈԱԿ-ի «Իջևանի անտառտնտեսության» Իջևանի անտառպետության թիվ 5-րդ պահաբաժնի տարածքում Բնապահպանական պետական տեսչության Տավուշի տարածքային բաժնի աշխատակիցները, ՀՀ ոստիկանության Իջևանի բաժնի և Տավուշի մարզպետարանի աշխատակիցների հետ համատեղ տեղում իրականացրել են ուսումնասիրություններ, ինչի արդյունքում հայտնաբերվել են ապօրինի հատված 72 հատ հաճարենի, 9 հատ բոխի և 3 հատ կաղնի տեսակի տարբեր տրամագծերի ծառեր:

Հաշվարկվել է 13.998.450 ՀՀ դրամի պետությանը պատճառած վնաս:

ՀՀ բնապահպանության նախարարության աշխատակազմի բնապահպանական պետական տեսչության նախապատրաստած նյութերն ուղարկվել են իրավապահ մարմիններին:

Այս մասին տեղեկացնում է ՀՀ բնապահպանության նախարարության պաշտոնական կայքը:

 

16:11 Ապրիլ 21, 2017


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news