Կլոր սեղան` «Առողջապահական ռիսկերը` կապված սպառողական ապրանքներում, մասնավորապես`խաղալիքներում պարունակվող ֆտալատների հետ» թեմայով

Կլոր սեղան` «Առողջապահական ռիսկերը` կապված սպառողական ապրանքներում, մասնավորապես`խաղալիքներում պարունակվող ֆտալատների հետ» թեմայով

ԷկոԼուր

Սույն թվականի փետրվարի 22–ին` ժամը 14:00-ին, «ԷկոԼուր» մամուլի ակումբում (Հանրապետության 49/2, մուտքը բակի կողմից) տեղի կունենա կլոր սեղան` «Առողջապահական ռիսկերը` կապված սպառողական ապրանքներում, մասնավորապես` խաղալիքներում պարունակվող ֆտալատների հետ» թեմայով:

Կլոր սեղանի ընթացքում կներկայացվեն խաղալիքների հայաստանյան շուկայի ուսումնասիրության արդյունքները, Ֆտալատների ազդեցությունը երեխաների առողջության վրա, միջազգային փորձը:

Ֆտալատները, որպես պլաստիկարար վտանգավոր նյութեր, լայն կիրառություն ունեն ճկուն պլաստմասսե, հատկապես` պոլիվինիլքլորիդային, և կենցաղային արտադրանքների, ինչպես նաև տարբեր տարիքի երեխաների համար նախատեսված ապրանքների արտադրությունում:

Ֆտալատներ պարունակող արտադրանքների օգտագործման և պահպանման որոշակի պայմաններում ֆտալատներն անջատվում են դրանցից և թափանցում մարդու օրգանիզմ` հանգեցնելով ծանր ու անդառնալի հետևանքների իմունային, նյարդային, հորմոնային և վերարտադրողական համակարգերի համար։ Ֆտալատները նաև հնարավոր քաղցկեղածին նյութեր են։

Ֆտալատների ազդեցության նկատմամբ առավել խոցելի են երիտասարդ կանայք և հատկապես 3 տարեկանից ցածր երեխաներն իրենց մարմնի փոքր չափսերի և ֆտալատ պարունակող պլաստմասսե առարկաները հաճախ բերանը տանելու սովորության պատճառով։

Կլոր սեղանին հրավիրված են պետական շահագրգիռ մարմինների, հասարակական կազմակերպությունների ներկայացուցիչներ:

Կլոր սեղանը կազմակերպել է «Հայ կանայք հանուն առողջության և առողջ շրջակա միջավայրի» ՀԿ-ն «ԿՕԱ–ների ոչնչացման հարցերով միջազգային ցանց»-ի (IPEN) ֆինանսավորմամբ իրականացվող «Քիմիական նյութերն արտադրանքներում» ծրագրի շրջանակում։

17:31 Փետրվար 21, 2019


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news