Հայաստանում նավթի և գազի հայտնաբերման ու գնահատման նպատակով ուսումնասիրության աշխատանքներ իրականացնում է «Ինտեգրալ Պետրոլեում» ՍՊԸ-ն

Հայաստանում նավթի և գազի հայտնաբերման ու գնահատման նպատակով ուսումնասիրության աշխատանքներ իրականացնում է «Ինտեգրալ Պետրոլեում» ՍՊԸ-ն

ԷկոԼուր

Հայաստանի տարածքում նավթի և բնական գազի հայտնաբերման ու գնահատման նպատակով ուսումնասիրության աշխատանքներ իրականացնում է միայն «Ինտեգրալ Պետրոլեում» ՍՊԸ-ն: Այս մասին նշված է ՀՀ էներգետիկ ենթակառուցվածքների և բնական պաշարների նախարարության աշխատակազմի ղեկավար Կարեն Ղահրամանյանի պատասխան նամակում` ուղղված «ԷկոԼուր» տեղեկատվական ՀԿ-ին:

Հայաստանի տարածքը նավթի և գազի ուսումնասիրությունների համար բաժանված է 6 պայմանական տարածքների: «ԷկոԼուր» տեղեկատվական ՀԿ-ն հարցում էր ուղարկել ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանին` պարզելու համար, թե որ պայմանական տարածքը Հայաստանի Հանրապետության որ մարզի և որ համայնքի տարածքն է ընդգրկում և քանի հեկտար է կազմում: Նաև ՀՀ-ում որ ընկերություններն ունեն նավթի և գազի
երկրաբանական ուսումնասիրության աշխատանքների համար տրամադրված արտոնագրեր:

ՀՀ էներգետիկ ենթակառուցվածքների և բնական պաշարների նախարարության պատասխան նամակում, մասնավորապես, ասված է.

«ՀՀ-ում նավթի և բնական գազի հայտնաբերման ու գնահատման նպատակով ուսումնասիրության աշխատանքներ ներկայումս իրականացվում է միայն «Ինտեգրալ Պետրոլեում» ՍՊԸ-ի կողմից, որը 2012 թ-ի դեկտեմբերի 28-ին ՀՀ էներգետիկայի և բնական պաշարների նախարարությունից ստացել է N 29/001 արտոնագիրը` ՀՀ տարածքում երկրորդ պայմանական բլոկում նավթի և բնական գազի հայտնաբերման ու գնահատման նպատակով ուսումնասիրության աշխատանքներ իրականացնելու համար»:

Նախարարությունը նաև նշել է Հայաստանի Հանրապետության տարածքի նավթի և գազի հետախուզման պայմանական տարածքների ուրվագծերն ու կոորդինատները:

 

18:13 Նոյեմբեր 01, 2017


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news