Կոտայքի նախկին եւ ներկա մարզպետները Գառնի էին եկել՝ քննարկելու Քաղցրաշենի ոռոգման ծրագիրը

Կոտայքի նախկին եւ ներկա մարզպետները Գառնի էին եկել՝ քննարկելու Քաղցրաշենի ոռոգման ծրագիրը

ԷկոԼուր

Մեկ ամիս առաջ Գառնիի բնակիչները բախվեցին Ջրային տնտեսության պետական կոմիտեի ԾԻԳ-ի հետ Քաղցրաշենի ինքնահոս ոռոգման համակարգի ծրագրի պատճառով, երբ Ազատի կիրճ էր մտել ծանր տեխնիկան:

Հիշեցնենք, որ մեկ տարուց ավելի է, գառնեցիները պայքարում են այս ծրագրի դեմ, որով Ազատ գետից պետք է ջուր տարվի Արարատի մարզ ոռոգման համար: Գառնեցիները համոզված են, որ ծրագրի արդյունքում ոռոգման սեզոնին իրենք կզրկվեն Ազատ գետի ջրից:

Կոնֆլիկտի ժամանակ գառնեցիներն ապրիլի 13-ին 9 ժամ փակած պահեցին Գառնի-Երևան ավտոճանապարհը և ստիպեցին ծանր տեխնիկան դուրս բերել Ազատի կիրճից:

Այս ժամանակահատվածում բնակիչների նկատմամբ տարբեր ճնշումներ գործադրվեցին, իսկ մայիսի 12-ին նրանց հայտնեցին Քաղցրաշենի ինքնահոս ոռոգման համակարգի ծրագրի նոր քննարկման մասին: Բնակիչները որոշեցին թույլ չտալ քննարկման անցկացումը: Իրավիճակը կտրուկ սրվեց, երբ քննարկմանը մասնակցելու համար Գառնի ժամանեցին Կոտայքի մարզպետ Կարապետ Գուլոյանը, Ջրային տնտեսության պետական կոմիտեի նախագահ Արամ Հարությունյանը, Ջրային տնտեսության պետական կոմիտեի ԾԻԳ-ի ներկայացուցիչները, որոնց դիմավորեց Գառնիի գյուղապետ Աշոտ Վարդանյանը: Թե ինչպես ընդունեցին նրանց գյուղի բնակիչները՝ տեսանյութում:



19:21 Մայիս 13, 2016


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news