Մինչև 2023 թ. Հայաստանում 8000 հա հողատարածք կանցնի կաթիլային ոռոգման

Մինչև 2023 թ. Հայաստանում 8000 հա հողատարածք կանցնի կաթիլային ոռոգման

ԷկոԼուր

Մինչև 2023 թ. Հայաստանում 8000 հա հողատարածք կանցնի կաթիլային ոռոգման: 2019-2023 թթ. կաթիլային ոռոգման համակարգերը տարեկան կտեղադրվեն 1600 հա հողատարածքներում, անձրևացման համակարգեր` 200 հա հողատարածքներում: Այս կապակցությամբ համապատասխան որոշում գործադիրն ընդունեց մարտի 7-ի նիստում:

Որոշմամբ կսուբսիդավորվեն ոռոգման արդիական համակարգերի ներդրմանն ուղղված վարկերի, կապիտալ ծախսերի համար տրամադրված վարկերի տոկոսադրույքները, ինչպես նաև կփոխհատուցվեն ոռոգման արդիական համակարգեր ներդնող տնտեսա¬վարողների կողմից կատարված ծախսերի 16%-ը, սահմանամերձ համայնքներում ներդրման դեպքում կամ առնվազն 3 հա հողատարածքում ներդնող կոոպերատիվների դեպքում՝ 18%-ը:

Այս աշխատանքների համար վարկերը տրամադրվելու են 3 տարի մարման ժամկետով և 12% տոկոսադրույքով: Սուբսիդավորվելու է տոկոսադրույքների 10 տոկո¬սային կետը` 1200 հա-ի համար, 12 տոկո¬սային կետը` 220 հա-ի համար:

Ծրագրի իրականացման համար 2019 թ. կպահանջվի 312,049.591 հազար դրամ, 2020 թ.` 552,683.304 հազար դրամ, 2021 թ.` 681,484.482 հազար դրամ, 2022 թ.` 714,650.0 հազար դրամ, իսկ 2023 թ.` 1360,051.25 հազար դրամ:

Վարչապետ Նիկոլ Փաշինյանի առաջարկությամբ 3 ամիսը մեկ ՀՀ կառավարությանը պետք է ներկայացվի այդ ծրագրերի վերաբերյալ զեկույց-հաշվետվություն:

 

17:47 Մարտ 07, 2019


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news