ՀՀ ԲՆԱՊԱՀՊԱՆՈՒԹՅԱՆ ՆԱԽԱՐԱՐԻ ՀՐԱՄԱՆԻ ՀԱՄԱՁԱՅՆ Ի՞ՆՉ Է ԿԱՐԵԼԻ ՈՐՍԱԼ ԵՎ ՈՐՔԱ՞Ն

Panorama.am

ՀՀ բնապահպանության նախարարի հրամանով Հայաստանի Հանրապետության տարածքի (բացառությամբ բնության հատուկ պահպանվող տարածքներից) որսահանդակներում թույլատրվում է հետևյալ որսատեսակների սիրողական որսը`

- լոր – մինչև 30000 հատ, 2010 թ. օգոստոսի 28-ից հոկտեմբերի 1-ը (15 հատից ոչ ավելի յուրաքանչյուր որսի ժամանակ).

-աղավնիներ (թխակապույտ և անտառային, տատրակ) – մինչև 2000 հատ, 2010 թ. օգոստոսի 28-ից 2011 թ. հունվարի 31-ը (5 հատից ոչ ավելի յուրաքանչյուր որսի ժամանակ).

- կտցարներ (բացառությամբ Կարմիր գրքում գրանցվածների) – մինչև 2000 հատ, 2010 թ. օգոստոսի 28-ից հոկտեմբերի 31-ը (5 հատից ոչ ավելի յուրաքանչյուր որսի ժամանակ).

- արտույտներ (դաշտային, տափաստանային )– մինչև 2000 հատ, 2010 թ. օգոստոսի 28-ից հոկտեմբերի 31-ը (5 հատից ոչ ավելի յուրաքանչյուր որսի ժամանակ).

- սարյակ (սովորական )– մինչև 2000 հատ, 2010 թ. օգոստոսի 28-ից հոկտեմբերի 31-ը (5 հատից ոչ ավելի յուրաքանչյուր որսի ժամանակ).

-կեռնեխներ (սև կեռնեխ, սինակեռնեխ) – մինչև 2000 հատ, 2010 թ. օգոստոսի 28-ից հոկտեմբերի 31-ը (5 հատից ոչ ավելի յուրաքանչյուր որսի ժամանակ).

- ոսկեգույն մեղվակեր – մինչև 2000 հատ, 2010 թ. օգոստոսի 28-ից հոկտեմբերի 31-ը (5 հատից ոչ ավելի յուրաքանչյուր որսի ժամանակ).

- ջրլող թռչուններ` բադեր (կռնչան բադ, կարմրագլուխ սուզաբադ, սուլող և ճքճքան մրտիմներ) և ջրհովվիկներ (փառփար, եղեգնահավ) – մինչև 10000 հատ 2010 թ. սեպտեմբերի 15-ից 2011թ. փետրվարի 28-ը (5 հատից ոչ ավելի յուրաքանչյուր որսի ժամանակ).

- վայրի խոզ`- մինչև 50 հատ, 2010 թ. նոյեմբերի 1-ից 2011թ. փետրվարի 28-ը (1 հատից ոչ ավելի յուրաքանչյուր որսի ժամանակ).

- նապաստակ – մինչև 500 հատ, 2010 թ. նոյեմբերի 1-ից 2011թ. հունվարի 31-ը (2 հատից ոչ ավելի յուրաքանչյուր որսի ժամանակ).

- քարակաքավ – մինչև 3000 հատ, 2010 թ. նոյեմբերի 1-ից դեկտեմբերի 31-ը (5 հատից ոչ ավելի յուրաքանչյուր որսի ժամանակ).

- աղվես – մինչև 2000 հատ, 2010 թ. նոյեմբերի 15-ից 2011 թ. փետրվարի 28-ը (10 հատից ոչ ավելի յուրաքանչյուր որսի ժամանակ),

- կզաքիս – մինչև 500 հատ, 2010 թ. նոյեմբերի 15-ից 2011 թ. փետրվարի 28-ը (2 հատից ոչ ավելի յուրաքանչյուր որսի ժամանակ),

- գայլ –2010 թ. նոյեմբերի 15-ից 2011 թ. փետրվարի 28-ը ,

- շնագայլ –2010 թ. նոյեմբերի 15-ից 2011 թ. փետրվարի 28-ը:

Օգոստոս 06, 2010