Մարիամ Սուխուդյան
Հայտնի է դարձել, որ Վայոց ձորի մարզի Խաչիկ համայնքի Քարակոփի տարածքում` բնության հուշարձան հանդիսացող ուռենիների հարյուրամյա պուրակում, CARD կազմակերպության հովանավորությամբ սկսվել են շինանարական աշխատանքներ։ Հիշյալ վայրը անխզելիորեն կապված է Քարակոփի պատմամշակութային արժեքին, և այնտեղ որևէ շինարարություն իրականացնելը կամ տաղավարներ տեղադարելը (նույնիսկ եթե այն իրականացվում է խաչիկցիների հանգստի կազմակերպման պատրվակով) խաթարում է թե բնության կուսական և պատմականորեն ձևավորված
տեսքը, և թե այդ վայրից որպես հանգստի վայր օգտվելու ազատությունը, և պատմական ժամանակներին հաղորդակից լինելու խաչիկցիների և այցելուների եզակի երջանիկ հնարավորությունը։ Նման գործարքը համարում ենք պատմական տարածքի նկատմամբ անթույլատրելի ոտնձգություն` որը հղի է հետագայում այնտեղ ազդեցության ոլորտ ստեղծելու վտանգով։
Հաշվի առնելով այն, որ արդեն սկսվել են փորման աշխատանքները, խնդրում ենք րոպե առաջ միջամտել և դադարեցնել ծրագրի իրականացումը։
Համոզված ենք, որ այս կարծիքը կպաշտպանեն շատ խաչիկցիներ, ովքեր դեռևս անտեղյակ են ծրագրից, կամ էլ խորությամբ չեն գիտակցում դրա վտանգներն ու բուն էությունը։
Օգոստոս 31, 2010