Օրինաչափություն թե՞ պատահականություն է, որ Վարդան Այվազյանի օրոք սկսվեց ռուսական ընկերության կողմից ակտիվների հանձնումը լեռնահանքային արդյունաբերության ոլորտում

ԷկոԼուր

Վարդան Այվազյանը (նախկին Բնապահպանության նախարար, ՀՀ Ազգային ժողովի պատգամավոր, ՀՀԿ)  «Facebook» սոցիալական ցանցում տվել էր մամուլի ասուլիս, որը կազմակերպել  էր «Ազատություն» ռադիոկայանը: Մամուլի ասուլիսի հիմնական թեման`աղմուկ բարձրացրած սկանդալն էր, որի պատճառով Նյու Յորքի դատարանը որոշում կայացրեց Վարդան Այվազյանից բռնագանձել 37 միլիոն 538 հազար ԱՄՆ դոլար`ի օգուտ «Global Gold Mining» ընկերության: Հարց ու պատասխանի ընթացքում Վարդան Այվազյանը չփոխեց իր նախկին դիրքորոշումը: Մեր հերթին ցանկանում ենք ներկայացնել հարցեր, որոնք տեխնիկական պատճառներով չներկայացվեցին մամլո ասուլիսի ժամանակ:

1. Վարդան Այվազյանի Բնապահպանության նախարարի պաշտոնավարման ընթացքում սեփականաշնորհվել էր Հայաստանում ամենամեծ ընկերությունը` Զանգեզուրի պղնձամոլիբդենային կոմբինատը, որը Քաջարանի պղնձամոլիբդենային հանքավայրի ակտիվների հետ միասին վաճառվել էր չնչին գնով - 134 մլն ԱՄՆ դոլար: Այն ժամանակ, երբ հումքային  պաշարները, արդեն իսկ,գնահատվում էին 15-20 միլիարդ ԱՄՆ դոլար: Հայտնի է, որ ԶՊՄԿ-ի հիմնական ներդրողը` «Chronimet» ընկերությունը, ոչ մի փորձ չուներ հանքարդյունաբերության ոլորտում և զբաղվում էր մետաղամշակմամբ: Ու՞մ կողմից և ի՞նչ  կապիտալ էր ներդրված գործարքում,  հայտնի չէ, քանի որ այդպիսի գործարքը համարվում է առևտրային գաղտնիք: Ո՞վ էր այդ առաջարկի հեղինակը: Վարդան Այվազյանը համահեղինա՞կ էր, թե՞ միայն իրականացնողը`որպես կատարող անձ:

 2. Իր Ժամանակին, Վարդան Այվազյանը, մի քանի լուրջ մեղադրանքներ էր ներկայացրել Հայաստանում գործող հանքարդյունահանման ընկերությունների դեմ: «Vedanta Recources» ընկերությունը, որը շահագործում էր Սոտքի ոսկու հանքը, մեղադրվել էր ոսկու յուրացման մեջ (տարբեր ժամանակահատվածում հայտարարվել էր 1-3 տոննա յուրացման մասին), որից հետո «Vedanta Recources» ընկերությունը վաճառեց իր բաժնետոմսերը ռուսական ընկերության, որն այժմ աշխատում է Հայաստանում «Geopromining Gold» անվանունով: Այն ունի Սոտքի և Մեղրաձորի հանքերի, ինչպես նաև Արարատի ոսկու արդյունահանման գործարանի ակտիվներ: «Geopromining» ընկերության խմբում ընդգրկվեց այլ ընկերություն ևս` Ագարակի պղնձամոլիբդենային կոմբինատը և Ագարակի պղնձամոլիբդենային հանքավայրի ակտիվները:

  3. Global Gold Mining ընկերությունը մեղադրվում էր Գետիկ գետի տարածքում երկրաբանական ուսումնասիրության լիցենզիայի պայմանների խախտման  համար, երբ ընկերությունը հայտարարեց, որ կան ուրանի հայտնաբերման նշաններ: Նախարարությունը հայտարարեց, որ ուրանը ռազմավարական հումք է և ընկերությունը իրավունք չունի այն հետազոտել: Ի պատասխան ընկերությունը հրաժարվեց ուրանի մասին նախկին հայտարարությունից, չնայած որ, ոչ ոք  իրավունք չուներ արգելել, որ մետաղների և տարրերի նմուշներից անալիզ վերցնեն և հետազոտեն:  

2007 թ. սկսվեցին բանակցություններ ռուսական «Ատոմրեդմետզոլոտո» ԲԲԸ–ն հետ և կնքվեց համաձայնագիր` բացառիկ իրավունք Հայաստանում ուրանի հետազոտման և արդյունահանման վերաբերյալ, ի դեմս հայ- ռուսական լեռնահանքային կազմակերպության:

4. Արմանիսի հանքավայր էլ եկավ ռուսական «Нева-Русь» ընկերությունը:

5. Թեղուտի հանքավայրն էլ տվեցին Ռուսաստանի քաղաքացի Վալերի Մեջլումյանին («Vallex» ընկերություն):

ԷկոԼուրի հարցը` «Առկա՞ է որոշակի օրինաչափություն և քաղաքական ենթատեքստ այս ամբողջ գործընթացում:

Հոկտեմբեր 02, 2012 at 16:28