ԷկոԼուր
Դեկտեմբերի 9-ին Լոս Անջելեսում (ԱՄՆ) տեղի ունեցավ բողոքի ակցիա` ուղղված Հայաստանի վարչապետ Տիգրան Սարգսյանի դեմ: Ակցիան կազմակերպել էր «Փրկենք Թեղուտը» քաղաքացիական նախաձեռնությունը: Ակցիան անցկացվեց Հայ Առաքելական Եկեղեցու Արևմտյան ԱՄՆ առաջնորդարանի մոտ, որտեղ հայկական պատվիրակությունը վարչապետի գլխավորությամբ հանդիպում էր Կալիֆորնիայի հայ համայնքի ներկայացուցիչներին: Միջոցառմանը մասնակցեցին նաեւ Հայաստանից on-line եղանակով միացած ակտիվիստները: Ակցիան ուղղված էր ՀՀ իշխանությունների վարած քաղաքականության դեմ, որոնք խրախուսում են Թեղուտի պղնձամոլիբդենային հանքավայրի շահագործումը:
Ինչպես հայտնի է, հասարակայնությունը հիմնավորեց իր բացասական կարծիքը Թեղուտի նախագծի վերաբերյալ, բայց ոչ ՀՀ բնապահպանության նախարարությունը, ոչ ՀՀ կառավարությունը, այդպես էլ հետ չկանչեցին նախագիծը: «Թեղուտի հանքի շահագործումը կործանարար կլինի ոչ միայն Հայաստանի ողջ հյուսիս-արեւելյան հատվածի, այլեւ մոտակա խոշոր տարածքների համար»,- նշված է սոցիալական ցանցերում տարածված ակտիվիստների հաղորդագրության մեջ:
Լուսանկարը «Փրկենք Թեղուտը» քաղաքացիական նախաձեռնության
Դեկտեմբեր 10, 2012 at 12:54