Ջրային ռեսուրսները եւ Ամուլսարի ռիսկերը (Լուսանկարներ)

ԷկոԼուր

Մայիսի 31-ին «Ջերմուկի զարգացման կենտրոն» հասարակական կազմակերպությունը կազմակերպեց քննարկում այն մասին, թե ինչպես Ամուլսարի ոսկու հանքավայրի բաց եղանակով շահագործման նախագիծը կազդի  ջրային ռեսուրսների վրա:  Քննարկմանը մասնակցեցին «Գեոթիմ» ընկերությունը, որն իրականացնում է նախագիծը, անկախ փորձագետներ, հասարակական կազմակերպություններ:

Նախքան քննարկման մասին նյութերը հրապարակելը, «ԷկոԼուր»-ը ներկայացնում է «Ամուլսարի ջրային ավազանը» տեսահոլովակը: Ապրիլի կեսերին «ԷկոԼուր»-ը եղավ Ամուլսարի` Որոտան եւ Արփա գետերի ջրահավաք ավազանում: Տեսանյութում պարզ երեւում է, թե ինչպես է ողջ Ամուլսարը պատված առվակներով, որոնք առաջացել են ձնհալից:   Առվակները հոսում են ներքեւ , թափվում մակերեսային ջրերի մեջ, եւ վերջնական արդյունքում ջուրը հայտնվում է երկու խոշոր ջրամբարներում` Սպանդարյանում եւ Կեչուտում: Ամբողջ ավազանը փոխկապակցված է բնական եւ արհեստական ջրհոսքերով: 

Մեր կարծիքն է, որ ողջ ջրավազանի համար առկա են թափոններով աղտոտման ռիսկեր: Այդ ռիսկերը պետք է պարտադիր կերպով արտացոլված լինեն փորձաքննության եզրակացության համար ներկայացված նախագծում:

Հունիս 01, 2012 at 18:42