«Մուլտի գրուպ» կոնցեռն ՍՊԸ-ն հարստացուցիչ ֆաբրիկան և պոչամբարը շահագործել է առանց շրջակա միջավայրի վրա ազդեցության փորձաքննության եզրակացության։ Սա բացահայտել են Բնապահպանության և ընդերքի տեսչական մարմնի աշխատակիցները Լոռու մարզի Մղարթի ոսկու հանքավայրում իրականացրած մասնակի ստուգման արդյունքում: Տեսչական մարմնի հաղորդագրության համաձայն՝ Ընկերությունը խախտել է «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի 14-րդ հոդվածի 4-րդ մասի 2-րդ կետի բ) ենթակետի պահանջը։
Նշանակվել է վարչական տուգանք՝ 100 հազար դրամի չափով։ Տրվել է հանձնարարական աշխատանքներն իրականացնել՝ հարստացուցիչ ֆաբրիկայի և պոչամբարի համար շրջակա միջավայրի վրա ազդեցության փորձաքննական եզրակացության առկայության դեպքում։
Հուլիս 09, 2020 at 15:26