Երեւան (2012)
Երեւան
Risk Level: 3
| Parameter | Data | Level |
|---|---|---|
| Cr, mkg/l water | 640 | 3 |
| NO2, mgN/l water | 0.046 | 1 |
| NH4, mgN/l water | 0.64 | 1 |
| V, mkg/l water | 215 | 3 |
| NO2, mgN/l water | 0.117 | 1 |
| NH4, mgN/l water | 2.24 | 2 |
| Cr, mkg/l water | 790 | 3 |
| Mn, mkg/l water | 250 | 2 |
| Zn, mkg/l water | 50 | 1 |
| AL, mkg/l water | 3588 | 2 |
| Cr, mkg/l water | 880 | 3 |
| NH4, mgN/l water | 10.82 | 3 |
| Mn, mkg/l water | 850 | 3 |
| NO2, mgN/l water | 0.096 | 1 |
| Disastrous Condition | Critical Condition | Normal Condition |
Risk Level: 1
| Parameter | Data | Level |
|---|---|---|
| Dust, mg/m3 air | 1.2 | 1 |
| NO2, mkg/m3 air | 0.096 | 1 |
| Disastrous Condition | Critical Condition | Normal Condition |
Risk Level: 3
| Parameter | Data | Level |
|---|---|---|
| NO2, mg/m3/air, health | 1.56 | 3 |
| SO2, mg/m3 air, health | 3.047 | 3 |
| Disastrous Condition | Critical Condition | Normal Condition |
Էկոլոգիական աղետ Երեւանում
ԷկոԼուր
Հայաստանի Հանրապետության մայրաքաղաք Երեւանում էկոլոգիական աղետ է: Պատճառը քաղաքի ջրային ռեսուրսների եւ մթնոլորտի աղտոտվածությունն է: «Շրջակա միջավայրի վրա ներգործության մոնիտորինգի կենտրոն» ՊՈԱԿ-ի 2012թ-ի տարեկան հաշվետվության համաձայն`մայրաքաղաքում փոշու և ազոտի երկօքսիդի միջին տարեկան կոնցենտրացիաները սահմանային թույլատրելի նորմաները գերազանցել են 2,4 անգամ: Արդյունքում փոշին կազմել է 1.2 մգ/մ3, ազոտի երկօքսիդի պարունակությունը` 0.096 մկգ/ մ3: ԷկոԼուրի «Էկոլոգիական ռիսկերի գնահատման մոդել»-ի համաձայն` օդի վիճակը նորմայի սահմաններում է, սակայն առողջության համար աղետի հասնող վտանգավոր չափերի են եղել մթնոլորտում ազոտի երկօքսիդի եւ ծծմբի երկօքսիդի արտանետումները: Արաբկիր համայնքի տարածքի մթնոլորտում ազոտի երկօքսիդի առավելագույն կոնցենտրացիան 2012թ. նոյեմբերի 29-ին եղել է 1,560 մգ/մ3, ծծմբի երկօքսիդինը` հուլիսի 30-ին` 3,047 մգ/մ3:
Աղետալի վիճակում են նաեւ Երեւանի ջրային ռեսուրսները:
«Շրջակա միջավայրի վրա ներգործության մոնիտորինգի կենտրոն» ՊՈԱԿ-ի 2012թ-ի տարեկան հաշվետվության համաձայն` Երեւանյան լճում քրոմի միջին տարեկան կոնցենտրացիան սահմանային թույլատրելի նորման գերազանցել է 12,8 անգամ նիտրիտ իոնինը` 4,6 անգամ և ամոնիում իոնինը` 3,2 անգամ: Հետեւաբար, Երեւանյան լճում քրոմի պարունակությունը կազմել է 640 մկգ/լիտրում, նիտրիտ իոնի պարունակությունը` 0.046 մգ N/ լիտրում, իսկ ամոնիում իոնի պարունակությունը` 0,64 մգ N/ լիտրում: ԷկոԼուրի մոդելի համաձայն` քրոմի պարունակության այս չափը աղետալի է լճի համար:
Երեւանի միջով հոսող Գետառ գետի գետաբերանում էլ է էկոլոգիական աղետ` պայմանավորված վանադիումով, քրոմով, ամոնիում իոնով եւ մանգանով բարձր աղտոտվածությամբ: Ըստ «Շրջակա միջավայրի վրա ներգործության մոնիտորինգի կենտրոն» ՊՈԱԿ-ի 2012թ-ի տարեկան հաշվետվության`վանադիումը սահմանային թույլատրելի նորման գերազանցել է 21,5 անգամ, քրոմը` 15,8 անգամ, նիտրիտ իոնը 11,7 անգամ, ամոնիում իոնը 11,2 անգամ, մանգանը` 5,0 անգամ, ցինկը` 1,1 անգամ: Գետի այս հատվածում վանադիումի պարունակությունը ջրում կազմել է 215 մկգ/լիտրում, քրոմինը` 790 մկգ/լիտրում, նիտրիտ իոնինը` 0.117 մգN/լիտրում, ամոնիում իոնինը` 2.24 մգN/լիտրում, մանգանինը` 250 մկգ/լիտրում եւ ցինկինը 50 մկգ/լիտրում:
Հրազդան գետի ամենակեղտոտ հատվածը Երեւանից ներքեւ` Դարբնիկ գյուղի մոտ ընկած հատվածն է: Ըստ «Շրջակա միջավայրի վրա ներգործության մոնիտորինգի կենտրոն» ՊՈԱԿ-ի 2012թ-ի տարեկան հաշվետվության` գետի այս հատվածում ալյումինի միջին տարեկան կոնցենտրացիան սահմանային թույլատրելի նորման գերազանցել է մինչեւ 89,7 անգամ, քրոմինը` 17,6 անգամ, ամոնիում իոնինը` 54,1 անգամ, մանգանինը` 17,0 անգամ եւ նիտրիտ իոնինը` 9,6 անգամ: Արդյունքում ալյումինի կոնցենտրացիան կազմել է 3588 մկգ/լիտրում, քրոմինը` 880 մկգ/լիտրում, ամոնիում իոնինը 10.82 մգN/լիտրում, մանգանինը` 850 մկգ/լիտրում եւ նիտրիտ իոնինը` 0.096 մգN/լիտրում:
Հրազդան գետի այս հատվածի աղետալի վիճակը հայտնաբերվել է ԷկոԼուրի «Էկոլոգիական ռիսկերի գնահատման մոդել»-ով: