ՄԱԿ-ի Շրջակա միջավայրի ծրագիրը (UNEP) և Կովկասի տարածաշրջանային բնապահպանական կենտրոնը (REC Caucasus)՝ ՀՀ Շրջակա միջավայրի նախարարության հետ համատեղ կազմակերպում են «Կենսաբազմազանության ռազմավարություններ և հիմնական փաստաթղթեր» թեմայով կարողությունների զարգացման աշխատարան։
Այս նախաձեռնության նպատակն է աջակցել Հայաստանին COP17-ի նախապատրաստման գործում, ամրապնդել ազգային շահառուների գիտելիքները ՄԱԿ-ի Կենսաբազմազանության կոնվենցիայի (CBD), 2026 թվականին Երևանում կայանալիք ՄԱԿ-ի Կենսաբազմազանության կոնվենցիայի կողմերի 17-րդ համաժողովի (COP17), Կունմին-Մոնրեալ համաշխարհային կենսաբազմազանության շրջանակի, ՀՀ նորացված Կենսաբազմազանության ազգային ռազմավարության և գործողությունների ծրագրի վերաբերյալ։
Այս ձևաչափը նաև հնարավորություն է քննարկելու և սահմանելու Հայաստանի առաջնահերթությունները COP17-ի նախաշեմին, ինչպես նաև խթանելու երկխոսությունը և ձևավորելու ընդհանուր պատկերացում Հայաստանի դերի և ներդրման մասին COP17-ի գործընթացում։
Առաջին հանդիպումն անցկացվեց նոյեմբերի 20-ին՝ Երևանում։ Այն համախմբեց շրջակա միջավայրի ոլորտում գործող պետական, դիվանագիտական, միջազգային, հասարակական, գիտակրթական կառույցների ներկայացուցիչների։
Ներկայացվեցին COP17-ում Հայաստանի առաջնահերթությունները, ՄԱԿ-ի կենսաբազմազանության կոնվենցիան, Նագոյայի և Կարթագենայի արձանագրությունները, Կունմին-Մոնրեալի կենսաբազմազանության գլոբալ շրջանակը, Կենսաբազմազանության ազգային ռազմավարություն և գործողությունների ծրագիրը։
Մանրամասները՝ հաջորդիվ։
Նոյեմբեր 29, 2025 at 19:38