ՀՀ շրջակա միջավայրի նախարարությունում կայացավ հանդիպում՝ նվիրված Կենսաբազմազանության մասին կոնվենցիայի կողմերի 17-րդ համաժողովի կազմակերպման և անցկացման ընթացիկ աշխատանքներին։
Հանդիպմանը մասնակցել են շրջակա միջավայրի ոլորտում գործող ավելի քան չորս տասնյակ հասարակական կազմակերպությունների ներկայացուցիչներ։ Քննարկումը վարել են Կենսաբազմազանության մասին կոնվենցիայի կողմերի 17-րդ համաժողովի կազմակերպման և անցկացման կոմիտեի Վարչապետի գլխավոր խորհրդական Համբարձում Մաթևոսյանը և շրջակա միջավայրի նախարարի տեղակալ Արամ Մեյմարյանը։
Հանդիպման ընթացքում ծավալվել է ակտիվ քննարկում, մասնակիցները բարձրաձայնել են իրենց դիտարկումներն ու առաջարկները համաժողովի կազմակերպման, բովանդակային ուղղությունների և քաղհասարակության ներգրավվածության ապահովման վերաբերյալ։
Հարցուպատասխանի ձևաչափով քննարկվել են նաև կազմակերպչական մի շարք կարևոր ուղղություններ։
Քննարկումն անցավ կառուցողական մթնոլորտում՝ հատուկ շեշտելով հասարակական կազմակերպությունների և պետական կառույցների արդյունավետ համագործակցության կարևորությունը համաժողովի հաջող կազմակերպման գործում։
Այս մասին հայտնում է ՀՀ շրջակա միջավայրի նախարարությունը։
Հունիս 30, 2025 at 14:34