Խորը ցավով տեղեկացանք, որ կյանքից հեռացել է Էկոլուրի երկարամյա գործընկեր, հրաշալի մասնագետ, անտառագետ Ռուբեն Պետրոսյանը։
Իր կյանքի ընթացքում նա զբաղեցրել է կարևոր պաշտոններ անտառային ոլորտում, երկար տարիներ եղել է «Հայանտառ» ՊՈԱԿ-ի գլխավոր անտառապետը։ Ռուբեն Պետրոսյանն ամենուր ցուցաբերել է փայլուն մասնագիտական հմտություններ, մշտապես աջակցել է բնապահպանական համայնքին կարևոր խնդիրների բարձրաձայնման և լուծման հարցերում։
Էկոլուրը գնահատում և արժևորում է Ռուբեն Պետրոսյանի մասնագիտական վաստակը և մարդկային բարձր արժանիքները, ցավակցում նրա ընտանիքի անդամներին, բարեկամներին, ընկերներին, գործընկերներին։ Ռուբեն Պետրոսյանի հիշատակը միշտ վառ կմնա մեր սրտերում։
Օգոստոս 26, 2025 at 14:34