Մենք ընդերքի հարկման խնդիր չունենք, մենք ընդերքի վաճառքի խնդիր ունենք. Հ.Բագրատյան

Մենք ընդերքի հարկման խնդիր չունենք, մենք ընդերքի վաճառքի խնդիր ունենք. Հ.Բագրատյան

1in.am

«Մենք ընդերքի հարկման խնդիր չունենք, մենք ընդերքի վաճառքի խնդիր ունենք: Իմ մոտեցումը, որը նաև համընկնում է ՀԱԿ-ի դիրքորոշման հետ, այն է, որ ընդերքը պետք է վաճառվի»,- այս մասին «Առաջին լրատվական»-ի հետ զրույցում հայտարարեց ՀՀ նախկին վարչապետ, «Ազատություն» կուսակցության նախագահ Հրանտ Բագրատյանը:

Նրա գնահատականով, ընդերքի վաճառքի գումարը պետք է կազմի ընդերքի այսօրվա շրջանառության (շուրջ 2 մլրդ դոլար) 55-60%-ը: Այսինքն՝ խոսքը մոտ 1 մլրդ դոլարի կամ 375 մլրդ դրամի մասին է:

«Դա ծաղր է, որ ցույց տան, թե այդ ուղղությամբ աշխատում են: Իհարկե, կա ՀԱԿ-ի ճնշումը, հասկանում են, որ ՀԱԿ-ը ճիշտ է: Հարկային բոլոր փոփոխությունները, որ այս վերջին օրերին լսում եմ, հոկտեմբերի 28-ի հանրահավաքում իմ ասած կետերն են, բայց դրանք իմիտացիա են և, երբեմն, այդպիսի կիսատ փոփոխություններն ավելի լավ է չանեն, քան թե անում են»,- ասաց Հ. Բագրատյանը:

Հիշեցնենք, որ ինչպես մեզ հետ զրույցում հայտնել էր ֆինանսների փոխնախարար Սուրեն Կարայանը, «Ընդերքի մասին» օրենսգրքի փոփոխություններով ոլորտից ընդհանուր հարկումը կավելանա ընդամենը 2.5 մլրդ դրամով:

Նոյեմբեր 15, 2011 at 14:11


Առնչվող նյութեր


Կատեգորիա

ավելին
պակաս

Մարզեր