

ԷկոԼուր
Սույն թվականի մայիսի 19-ի դրությամբ Սեւանա լճի մակարդակը հավասարվել է նախորդ տարվա նույն օրվա ցուցանիշին՝ կազմելով 1900,42 մ։ Այս մասին նշված է ՀՀ արտակարգ իրավիճակների նախարարության հիդրոօդերեւութաբանության եւ մոնիտորինգի պետական ծառայության հիդրոօդերեւութաբանական N 89 տեղեկագրում։
Այս տարի ոռոգման համար Սեւանա լճից ջրառն սկսվել է ապրիլի 24-ից, այն դեպքում, երբ նախորդ տարի լճից ջրառն իրականացվել էր միայն հունիսից: Մայիսի 13-ի դրությամբ լճից արդեն իսկ վերցվել է 35,5 մլն խմ ջուր։
Հիշեցնենք, որ այս տարի Սեւանա լճից վերցվելու է մինչեւ 240 միլիոն խմ ջուր Արարատյան դաշտը ոռոգելու համար։
Մայիս 21, 2014 at 15:30
