

Ռուբեն Վարդանյան, Հայացք
Դեռևս նախորդ տարվանից կառավարության անդամներն ամեն հարմար առիթով գովազդում են Սևանի հանրային լողափերի ծրագիրը: Ճիշտ է, գաղափարն իրականության վերածվեց, բայց արի ու տես, որ նույն կառավարության անդամները այդ լողափերի պահպանման խնդիրը գրեթե անտեսում են: Այդ մասին են վկայում լողափերի աղբակույտերը: Ճիշտ է, աղբի գոյացման և շրջապատն աղտոտելու հարցում մեծ «ներդրում» ունեն հենց հանգստացողները, սակայն հանրային լողափերի հարևանությամբ գործող վճարովի լողափերի սեփականատերերը մշտապես մաքուր են պահում իրենց տարածքը:
Եթե այսպես շարունակվի, պատկան մարմինների հաշվարկները ճիշտ դուրս չեն գա, և հանրային լողափերը ոչ միայն չեն նպաստի տուրիզմի զարգացմանը, այլև զբոսաշրջիկին կվանեն Սևանից:
Սա միակ դեպքը չէ, երբ Հայաստանում պետական ծրագիրը գովազդում ու կյանքի են կոչում, իսկ հետագայում հսկողություն չեն սահմանում:
Լուսանկարի հեղինակ` Ռուբեն Վարդանյան
Սեպտեմբեր 01, 2011 at 15:20
