ԷկոԼուր
«Ժառանգություն» խմբակցության պատգամավոր Անահիտ Բախշյանը ՀՀ բնապահպանության նախարարությունից պահանջում է Շենգավիթ վարչական տարածքի Չարբախ թաղամասի 167 բնակիչների բողոքի հիման վրա ստուգումներ անցկացնել «Շող» յուղի եւ ձեթի գործարանում: Մարդիկ բողոքում են ծանր օդից, որը թունավորված է կոմբինատի արտանետումներով:
«Խնդրում եմ «Բնապահպանական վերահսկողության մասին» 2005 թվականի ՀՀ օրենքի համաձայն`
• հանձնարարարել համապատասխան տեսչությանը ստուգումներ կատարելու բնապահպանական նորմերի խախտման մասին ահազանգի հիման վրա եւ համապատասխան պատժամիջոցներ կիրառել
• անհրաժեշտության դեպքում կասեցնել կամ դադարեցնել բնապահպանական օրենսդրությունը խախտող գործունեությունը` ապահովելով թաղամասի բնակչության էկոլոգիական անվտանգությունը»,- ՀՀ բնապահպանության նախարարությունից պահանջում է պատգամավորը:
«ԷկոԼուր»-ի հետ զրույցում Անահիտ Բախշյանն ասաց. «Մենք կսպասենք մինչեւպատասխանի համար նախատեսված ժամկետը` 10 օր, եւ հուսով ենք, որ նախարարությունըհամապատասխան միջոցառումներ կձեռնարկի»:
Նշենք, որ «Շող» յուղի եւ ձեթի գործարանը պատկանում է Հանրապետական կուսակցության ԱԺ պատգամավոր, հայտնի ձեռնարկատեր Սամվել Ալեքսանյանին:
Սեպտեմբեր 24, 2010