ԷկոԼուր
Արդեն կա այն հարցի պատասխանը, թե արդյոք միջազգային բնապահպանական հիմնադրամները կդադարեցնեն համագործակցությունը Բնապահպանության նախարարության հետ: Այո, կդադարեցնեն: Այդ պատասխանը նոյեմբերի 27-ի մամուլի ասուլիսի ժամանակ տվեցին Վայրի բնության համաշխարհային հիմնադրամի հայաստանյան մասնաճյուղի (WWF-Armenia) տնօրեն Կարեն Մանվելյանը եւ Կովկասի բնության հիմնադրամի (CNF) ներկայացուցիչ Արման Վերմիշյանը: Արդեն որերորդ անգամ խնդիրը «Խոսրովի անտառ» պետական արգելոցին է վերաբերում: Դեռ նոյեմբերի 23-ին տեղի ունեցած մրցույթի ընթացքում նախարարությունը նախնական հավանություն տվեց թեկնածուին` չնայած նրան, որ միակ թեկանածուն «ապրանքագետի» մասնագիտություն ունի, պատկերացում չունի այն մասին, թե ինչ է էկոհամակարգը, ոչ մի փորձ չունի հատուկ պահպանվող տարածքների կառավարման գործում: Լուրերի համաձայն` թեկնածուի արգելոցի հետ կապել է անօրինական որսորդությունը:
Սա առաջին դեպքը չէ, երբ նախարարությունը հատուկ պահպանվող տարածքների ղեկավար պաշտոններում նշանակում է որսագողի համբավ ունեցող մարդկանց: 2011թ-ին, մեր տվյալներով, «Արեւիկ» ազգային պարկում աշխատանքի ընդունվեց մի մարդ, ով հայտնի է «Շակալ» մականվամբ: Լուրեր էին պտտվում, որ հենց Շակալն է սպանել էգ առաջավորասիական ընձառյուծին: Իհարկե, լուրերը լուրեր են: Բայց այն գործում, ինչպիսին է արգելոցներում աշխատանքը, պահանջվում են անբասիր համբավ ունեցող մարդիկ, որոնց մասին ոչ ոք չի կարող ասել, որ որսագող են: Հակառակ դեպքում պահպանության ողջ ռեժիմը վտանգի տակ է դրվում:
Նոյեմբեր 29, 2012 at 13:17